مكن لصق ليبل من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: شركة المهندس

المهندس منسي: أيوه

العميل: كنت عايز أستفسر بخصوص المكن اللي بيلصق الليبول أسعاره عند حضرتك عامل إيه؟

المهندس منسي: إحنا عندنا المكنة النص أتوماتيك سعرها عامل يعني 16000 جنيه

العميل: تمام.. دي اللي هي بتلصق جميع الليبول على كذا حجم، اللي هوه المدور بس، تمام ولا كل الليبول؟

المهندس منسي: آه المدور آه

العميل: حتى لو زجاج يلصق عليها ولا؟

المهندس منسي: وات إيفر أياً كانت العبوة

العميل: مهما كانت تقيلة، خفيفة، لازم تبقى فاضية، ولا مالهاش دعوة بالوزن؟

المهندس منسي: مالهاش دعوة بالوزن ولا ليها دعوة بالنوعية، هي أي حاجة مدورة حتى لو جبتلها عصاية مدورة هتلصقها برده عليها

العميل: طيب تمام.. بيجي معاها حضرتك بتطبع التاريخ…

المهندس منسي: حتى لو جبتلها ماسورة مدورة برده مافيش مشكلة، آه وتقدر تعمل عليها التاريخ، تقدر تحط عليها وحدة التاريخ

العميل: تمام… طب الليبول بتقدر تتحكم فيه تلصقه في أي مكان ولا مافيش فتحة تكون في الليبول؟

المهندس منسي: إن شاء الله

العميل: تمام.. طب القطارات والحقن بتعملها ولا لأ؟

المهندس منسي: ما بقول لحضرتك أي حاجة هتعملها عليها

العميل: حتى الأنبولات حاجة رفيعة خالص أو حجمها صغير خالص برده تعملها

المهندس منسي: آه إن شاء الله

العميل: طيب المكان بتاعكم فين؟ وليها ضمان ولا لأ؟

المهندس منسي: ضمان لمدة سنة ضد عيوب الصناعة، و10 سنين توفير قطع الغيار لحساب العميل، وإحنا عندنا حدائق القبة، مدينة نصر، باب الشعرية، 6 أكتوبر

العميل: قولي الفرع بتاعكم فين حضرتك، وبعمل عليها فين.. بتمرن عليها اختبارات ليها..

المهندس منسي: تتمرن عليها، وتعمل عليها فيديوهات بحيث إنك تبقى لالم بكل حاجة

العميل: طيب المكان بتاع حضرتك فين؟

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

فين في مدينة نصر حضرتك

المهندس منسي: هبعتلك العنوان في رسالة حالاً

العميل: طيب خلاص يا ريت حضرتك تبعتلي العنوان، وفي حد برده ممكن أتفرج على مكنة أو أي حاجة تانية، تمام كده، يعني سعرها 16000

المهندس منسي: أي مكن تعبئة وتغليف أياً كان

العميل: طب المانيوال عامله كام اللي بتلصق الليبول؟

المهندس منسي: لا ما بنجبش المانيوال، بنجيب بس النص أتوماتيك

العميل: نص أتوماتيك اللي موجودة سعرها 16000 جنيه بالمصري، تمام كده

المهندس منسي: آه

العميل: طب يا ريت حضرتك تبعتلي العنوان وأنا هشرفكم بإذن الله يوم بكره أو بعده بإذن الله

المهندس منسي: مع السلامة

العميل: ماشي شكراً