مكنة تعبئة الزيت 4 نوزل النصف أوتوماتيك من شركة المهندس منسي
مهندس منسي : السلام عليكم
العميل : وعليكم السلام ورحمة الله وبركاته ، شركة المهندس منسي ؟
مهندس منسي : ايوه
العميل : مع حضرتك
مهندس منسي : اهلا وسهلا بحضرتك
العميل : حضرتك كنت عاوز استفسر عن مكنة تعبئية الزيت
مهندس منسي : اه
العميل : اولا هى المكنة بتدى كام جرام ابتدا من كام جرام لحد اقصي كام جرام لحد ادنى حد اقصى
مهندس منسي : لا ده انتى اللى تقول مش احنا احنا عندنا كل الاحجام
العميل : والله
مهندس منسي : اه كل الاحجام من اول جرام لغاية 5 كيلو
العميل : تمام يافندم تمام طب انا عاوز مثلا من 500 الى 1000
مهندس منسي : موجودة
العميل : طيب تمام يا فندم الماكنة بتعمل كام ؟
مهندس منسي : هى فى ماكنة ديسك توب لو عاوز تجرب سوقك وكده يعنى بتعمل وفى ماكنة تانية انتاجية لو عاوز تشتغل بيها لو عاوز تشتغل على طول بتعمل
العميل : اه
مهندس منسي : وفى طبعا ماكنة اللى هو موديل نصف اوتوماتيك وفى ..
العميل : ازاى يعنى نصف اوتوماتيك انا اسف جدآ يعنى معتذر توضحلى معلش لان انا اول مرة فى حياتى انا لان الفكرة معايا لان فى الفكرة اجيب ماكنة الكترونية توضيحا بس معلش انا اول مرة استخدم الماكنة حضرتك فاهمنى محتاج ان اخد خلفية معلش انا اسف جدا انى هطول على حضرتك تدينى خلفية سريعة ايه . نصف اوتوامتيك وايه اوتوماتيك وايه الفرق ما بينهم ؟ ده بتضخ كام ازازة فى الساعة مثلا ده بتضخ كام ازازة فى الساعة ؟ وايه الغطاء الماكنة بتغطى الازازة بيه بتقبل غطا معين اكلام ؟ ده كله معلش انا اسف جدا لو انا هتعب حضرتك معايا.
مهندس منسي : لا خد راحتك خد راحتك
العميل : الله يعزك يا فندم
مهندس منسي : هو النص اوتوماتيك يعنى معناها ان انت بتخدملها العبوة بايدك قد متلها عبوة قدمتلها عبوتين قدمتلها اربع عبوات هو فى الاخر انت بتقدملها العبوات بايدك . اما الاوتوماتيك بتقدملها العبوات بايدك بس بتحطها على السير يعنى يترس العبوات كده على السير وترمهلهم هى بتخدها وتعبيها واخد بالك ؟
العميل : اه اه
مهندس منسي : ده الفرق بينهم فى بقا من النص اوتوماتيك ديه فى واحد نوزل وفى اتنين نوزل وفى تلاتة نوزل وفى اربعة نوزل يعنى ايه واحد نوزل واتنين وتلاتة واربعة نوزل يعنى ايه لغاية 48 نوزل لغاية 72 نوزل براحتك يعنى ايه ؟ يعنى ان هو الواحد نوزل يعنى فاتحة واحدة العميل : صنبور واحد
مهندس منسي : اه
مهندس منسي : يعنى الواحد نوزل تعبي عبوة واحدة الاتنين توزل تعبي عبوتين الاربعة نوزل تعبي اربع عبوات فى الضربة الواحدة واخد بالك انت ؟
العميل : تمام
مهندس منسي : 12 نوزل يعنى 12 عبوة فى الضربة الواحدة
العميل : تمام
مهندس منسي : انا لما بيجى حد يبدأ بنوصي عليه بأنه ياخد نص اوتوماتيك كاستارت للسوق واخد بالك كاستارت للسوق بحيث ان يجرب حظه ويجرب دنيته النص اتوماتيك ممكن فى يوم من الايام تبقي اوتوماتيك كاملة بنقدر نخليهالك اوتوماتيك كاملة فى يوم من الايام ده عملية التعبئية
العميل : تمام
مهندس منسي : عملية التغطئية ديه بقي لوحدها ده ماكينة تانية لوحدها واخد بالك عملية الليدو بردو ماكينة تانية لوحدها ايه . ايه عملية الشارنك بردو عملية ماكيمة تانية لوحدها عاوز تخلى الدنيا كلها اوتوماتيك بتجيب الوحدات ده كلها ونروح مجمعنها مع بعضها فى خط واحد
العميل : اه
مهندس منسي : بقت ما اسمهاش ماكنة بقت اسمها خط انتاج يعنى ايه خد انتاج ؟
العميل : عمل كام يافندم
مهندس منسي : يعنى ايه خط انتاج خط انتاج يعنى عدد من الماكينات المتركبة مع بعضها واخد بالك للوصول فى الاخر للمنتج
العميل : تمام
مهندس منسي : اتفضل
العميل : تمام تمام
مهندس منسي : كده خلص كده انا خلصت اللى عليا
العميل : تمام يا افندم
العميل : ايه حضرتك ايه بالنسبة للماكنة اللى هى بتغطى الغطا عاملة كام
مهندس منسي : النص اوتوماتيك منها عاملة
العميل : بردو النص اتوماتيك بتغطى الازازة وتيلها الازازة وانت تحطها فى الكارتونة صح كده ؟
مهندس منسي : مظبوط اه
العميل : تمام
العميل : طب لو انا هحتاج ماكنة 12 ايه ؟؟؟ ايه الى هو 12 ضخة فى المرة تطلع 12 عبوة يعنى .
مهندس منسي : اه اه
العميل : تعمل كام عملية الماكنة ديه كام ؟
مهندس منسي : بص هو تاخد سعر الاربعة نوزل والاربعة نوزل عموما تقدر تفرغها 3 مرات
العميل : اه
مهندس منسي : الاربعة نوزل سعرها
العميل :
مهندس منسي : اه يعنى تقدر تكررها 3 مرات يعنى 7 بقي فى 12 نوزل
العميل : تعمل 12 ضربة 12 مرة فى الضربة الواحده
مهندس منسي : اه
العميل : يعنى الاربعة نوزل ب
مهندس منسي : يعنى انت بتتكلم فى 18 طن فى الساعة
العميل : 12 ايه ؟
مهندس منسي : 18 طن فى الساعة يعنى 18 الف لتر فى الساعة
العميل : تمام يا افندم تمام تمام عظيم
العميل : طب ايه ايه الحجم الماكنة حجم الماكنة تعمل كام قد ايه مساحة
مهندس منسي : عادى تحطها على الديسك توب تحطها على مكتب
العميل : يعنى صغيرة
مهندس منسي : اه
العميل : هى فيها ماتور سحب يعنى انا بديها سحب مباشر من التانك
مهندس منسي : الواحد نوزل صغيرة اما لما تقول 12 نوزل تقدر تقول 50 × متر يعنى مساحتها هتبقي واسعة
العميل : طب احنا خلينا فى الاربعة نوزل
مهندس منسي : هتعملها متر × متر وربع كده يعنى
العميل : متر متر وربع مش مش مساحة طب تمام
العميل : انا اقصد برده هى بيبقالها خرطوم سحب بيبقالها ماتور سحب بيوصلها مباشر
مهندس منسي : ايوه
العميل : فيها سحب مباشر من التانك
مهندس منسي : اه
العميل : تمام تمام عظيم يا افندم
العميل : طيب معذرة يا افندم ايه حضرتك المكان فين
مهندس منسي : باب الشعرية حدائق القبة ، مدينة نصر و6 اكتوبر
العميل : اه حضرتك فى 6 اكتوبر
مهندس منسي : اه
العميل : تمام يا افندم
مهندس منسي : 6 اكتوبر مدينة نصر حدائق القبة باب الشعرية
العميل : تمام تمام يا افندم
العميل : حضرتكم مواعيد العمل من كام لكام يا افندم
مهندس منسي : من 11 الى 9
العميل : من 11 الصبح الى 9 بالليل
مهندس منسي : اه
العميل : خلاص ماشي يا افندم شكرا جزيلا انا اسف جدا معلش استفسار برده يا افندم لو حضرتك عندك خلفية ماكنة تعبئية السكر والملح والحاجات ديه
مهندس منسي : عندنا
العميل : النهاردة عاملة كام ؟
مهندس منسي : عندنا
العميل : ما انا عارف ان عندكم انا كنت اتكلمت من فترة بس انا كنت محتاج ان اخلى وضع الانتاج عندى ايه ايه التسويق من اربعة الى خمسة طن يوميا بحيث ان اعرف اجيب تكلفة الماكنة بس
العميل : الاربعة طن ده يا افندم ماكنة نص اوتوماتيك
مهندس منسي : بسيطة
العميل : اللى هى الرول الرول انا بتكلم على الرول
مهندس منسي : ده الماكنة الاوتوماتيك اللى هى الرول ده ماكينة اوتوامتيك
العميل : اه يعنى انا بقفل على الماكنة الرول الاوتوماتيك
مهندس منسي : لو عايز 4 او 5 طن ممكن تاخد النص اوتوامتيك ولو عايز تاخد الاوتوامتيك مفيش مشكلة
العميل : النص اوتوماتيك الا هى بضخ ليك الملح او السكر فى الكيس وعامل بيعقد تحتها كده بضخ ليه السكر بالمنسوب اللى انت طالبه
مهندس منسي : اه
العميل : اه لا لا انا بتكلم على الرول
مهندس منسي : اه
العميل : الاوتوماتيك
مهندس منسي : تعملها انهاردة وخد بالك والاسعار كمان هتتحرك كمان شهر
العميل : هتتحرك كمان شهر
مهندس منسي : اه هى بتتحرك على طول الجنيه نازل طالع منعرفش
العميل : تمام ربنا يسترها انا هاجى وهكلم حضرتك فى مواعيد العمل واجى انشاء الله من 11 الى 9 بالليل وفى اقرب وقت اجى ممكن حضرتك بكرة بالليل نعمل زيارة ونجيب ماكنة الزيت ديه انشاء الله ونبص على ماكنة الملح ديه برضه انشاء الله
مهندس منسي : انشاء الله
العميل : شكرآ جزيلا واسف على ازعاجك
مهندس منسي : ولا يهمك اتفضل
العميل : سلام
