مكنة تعبئة اللوليتا نص اتوماتيك من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: شركة المهندس يا باشا معايا

المهندس منسى: أيوه

العميل: كنت عايز أسأل حضرتك على نوع مكنة

المهندس منسى: اتفضل

العميل: مكنة تعبئة اللوليتا اللي هي كيس الموز يا باشا

المهندس منسى: عندنا آه

العميل: طب هي عامله كام لوحدها من غير التنك بتاعها، ولا بتبيع بالتنك؟

المهندس منسى: بتبدأ من

العميل: يعني 60 ألف يعني،يعني في حدود 60 ألف

المهندس منسى: يا راجل يا طيب 60 ألف ليه يعني، 300 × 18 = 5400 جنيه

العميل: اللي هي بتعبي كيس الموزة

المهندس منسى: إنما لو عايزها بـ 60 ألف يا مرحب بيك أهلاً وسهلاً

العميل: لا ضربت غلط على أنها بـ 3000،إنت عارفها يا فندم صح؟

المهندس منسى: في بتعبي السيف والموزة اللي همه بلاستيك متشكل، وفي اللي بتعبي السيف الموزة اللي هوه أشكال زي كيس كده، يعني في بلاستيك، وفي اللي زي الكيس

العميل: لا اللي زي الكيس

المهندس منسى: في نص أتوماتيك، وفي أتوماتيك تلقيم يدوي، وفي أتوماتيك

العميل: آه ما هي تلقيم يدوي أيوه حضرتك مضبوط

المهندس منسى: هي النص أتوماتيك اللي أنا بكلمك عليها بـ يعني 5400 جنيه مصري، ومعاها مكنة لحام، مكنة اللحام.. هوه مش مكنة بقى يعتبر سير، إنت تعبيه وتحطه على المكنة دي تقوم لحامه ومودياه الناحية التانية

العميل: تمام..

المهندس منسى: السير الإنتاجي ده بيعمل يعني 3600 جنيه

العميل: طب واللي هي التلقيم يا فندم

المهندس منسى: والله أنا رأيي إنت اتأكدت دلوقتي إن الحاجة عندنا

العميل: آه آجي لحضرتك

المهندس منسى: رأيي تيجي تبص على الحاجة على الطبيعة ده هيوفر عليا وعليك كتير، لأن أنا ممكن أكون بتكلم على حاجة وإنت بتتكلم على حاجة، بس هوه عندنا،بس إحنا وصلنا إنها بتعبي السيف والموزة بس هي موديلات…،موديلات كتيرة، حضرتك شرفنا بقى بالزيارة وإن شاء الله اللي فيه الخير يقدمه ربنا

العميل: طب العنوان فين بالضبط يا باشا، أنا من إسماعلية على فكرة؟

المهندس منسى: إحنا عندنا حدائق القبة، مدينة نصر، باب الشعرية، 6 أكتوبر

العميل: طب باب الشعرية عشان عارف ناس في باب الشعرية كتير

المهندس منسى: هبعتلك العنوان في رسالة دلوقتي حالاً

العميل: ماشي يا فندم، شاكرين لحضرتك

المهندس منسى: ماشي