مكنة تعبئة السوائل في اكياس اوتوماتيك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : كنت عايز أسأل على مكنة تعبئة الأكياس نص كيلو أتوماتيك موجودة؟
مهندس منسي : آه هتعبيها سوايل ولا حبوب وباودر؟
العميل : لأ سوايل إن شاء الله
مهندس منسي : آه موجودة إن شاء الله
العميل : دي أتوماتيك كاملة صح؟
مهندس منسي : إنت عايزها أتوماتيك ولا نص أتوماتيك؟
العميل : لا عايزها أتوماتيك
مهندس منسي : آه ماشي
العميل : طب تمام.. ممكن أعرف مواصفتها؟
مهندس منسي : مواصفتها… حضرتك إنت تسألني وأنا أجاوبك، يعني تقولي الكهربا بتاعتها إيه أقولك 220، تقولي أتوماتيك كاملة؟ أقولك أتوماتيك كاملة، تقولي فيها لحام ثلاثي أو لحام رباعي؟ أقولك آه في لحام ثلاثي وفي لحام رباعي وفي لحام سنترفيلينج، يعني حضرتك بتستفسر وأنا أرد عليك
العميل : طب تمام.. هي بتعمل أي نوع كيس؟
مهندس منسي : آه بتقبل كل أنواع الخامات آه
العميل : أنا مجرد إني بجيب البكرة بتاعت الكيس زي ما هي كده كاملة بحطها فيها تمام، وبحط المواد الخام وهي تشتغل مع نفسها تعبي على طول، صح كده؟
مهندس منسي : مضبوط
العميل : هي ديت الطاقة الإنتاجية بتاعتها في الساعة أد إيه؟
مهندس منسي : بص هوه عملية الطاقة الإنتاجية ديت بتحدد بناء على الخامة اللي إنت مركبها
العميل : آه…
مهندس منسي : أنا ممكن دلوقتي أقولك بتعمل 120 كيس في الدقيقة، هي هتعمل 120 كيس في الدقيقة فعلاً ولكن الأكياس مش هتنزل ملحومة، يبقى المفروض إحنا نقول إيه؟؟؟ العربية بتاعت حضرتك فيها العداد بتاعها بيقول 240، عمرك مشيت على 240؟؟؟
العميل : لا طبعاً
مهندس منسي : يوم ما تمشي على 120 يبقى كده ضربت الرقم القياسي
العميل : آه تمام
مهندس منسي : فهنا السرعة بتاعتها أقل سرعة فيها 3500 كيس في الساعة، وأقصى سرعة فيها 7500 كيس في الساعة
العميل : آه.. يعني إحنا بنتكلم مثلاً نقول في حدود 3500 كيس في الساعة
مهندس منسي : دي أقل سرعة
العميل : آه تمام…
مهندس منسي : عايز تعليها بعد كده بقى نعمل إضافة في المكنة
العميل : سعرها كام يا فندم؟
مهندس منسي : علماً بأننا نعامل ال بسعر اليوم 10 جنيه لغاية 1/10، لغاية أول أكتوبر هنعمله بالسعر الحر بتاع السوق
العميل : آه… تمام كده أنا فهمت، أنا طبعاً إن شاء الله بإذن الله لما بستلمها في حد بييجي معايا بيركب ويجرب وكل حاجة صح كده؟
مهندس منسي : إنت ما بتمشيش من المكان إلا ما تكون فهمتها من إيه تو زد، ويكون عملت ليها فيديوهات وعملت وعملت كل حاجة، يعني همه معاك لمدة ساعتين تقعد تقولهم لأ جربولي دي.. جربولي دي.. جربولي دي، ومحدش هيزمزق منك، ولو حد زمزق منك اتصل بيا
مهندس منسي : ده رقم واحد، رقم 2 من حقك كمان ساعتين 2 في مكانك، ده حقك، حقك إنك تقعدهم كده قاعدين يفهموك كل حاجة لمدة ساعتين، وساعتين 2 كمان في مكان، بعد كده لمدة سنة تطلب أي صيانة يجولك لغاية عندك…..
وبعد سنة إنت معايا بس إنت معايا
مهندس منسي : بعد كده بنقدر بقى نعملك إيه؟؟ خدمة ما بعد البيع توفير قطع الغيار لحساب العميل، وبرده معاك ما تقلقش، لأنه إحنا ماركة، براند، يعني ما روحناش جبنا شوية مكن من بره وجينا نبيعهم، لأ.. ده إحنا مصنعين قطع الغيار ومجمعينها في مصر
العميل : تمام… أنا بجد سعيد جداً جداً بمعرفة حضرتك
مهندس منسي : لا تحت أمرك
العميل : إن شاء الله بإذن الله هكون عند حضرتك قريب، إنتم طبعاً تقريباً كده في ظهر شارع بورسعيد صح كده؟
مهندس منسي : آه ده فرع من الفروع آه
العميل : طب الفرع الرئيسي فين؟
مهندس منسي : هوه ده
العميل : أو اللي أنا هتعامل معاك فيه؟
مهندس منسي : هوه عادي كل الفروع تعتبر رئيسية فروع مستقلة بذاتها، يعني كل فرع إدارة مستقلة بذاتها، كلهم عندهم نفس المكنة، وكلهم هيقدمولك نفس الخدمة، وكلهم زي الفل
العميل : طيب اللي أنا بكلم حضرتك منه دلوقتي، هوه الفرع اللي حضرتك فيه
مهندس منسي : ما هو المشكلة إنك جيت في العام
العميل : طب العام فين حضرتك طيب؟
مهندس منسي : ما هوه باب الشعرية، أنا اللي حاجتي أنا عامة، بتصب على الكل، بس عادي هبعتلك أنا دلوقتي شوف الفرع اللي إنت… صدقني كل الفروع زي بعضها
العميل : تمام… الله المستعان، إن شاء الله بإذن الله خير، ماشي يا فندم
مهندس منسي : ماشي يا باشا
العميل : معلش آخر سؤال معلش، المكنة دي ليها وزن معين من كذا لكذا، ولا كده اللي بنتكلم عليه الـ 500 جرام بس؟
مهندس منسي : ولا حاجة عادي إنت تقدر… بص المكن بتاعنا إحنا اللي مصنعينوا، يعني إحنا مصنعين قطع الغيار، فإحنا نقدر نغيرهولك لو عايز تخليه 100 جرام بس ماشي، لو عايز تخلي 1000 جرام براحتك، دي حاجات عادية
العميل : بس في حاجات فك وتركيب….
مهندس منسي : مش فك وتركيب بس، أوعى تفتكر إنه تعديل يبقى إحنا بنبوظ حاجة لأ… دي وحدات نشيل دي ونحط دي، نشيل دي ونحط دي، نشيل دي ونحط دي…. وهكذا
العميل : طب جميلة جداً تمام
مهندس منسي : عايز المواتير مش عاجباك لأنها مثلاً مواتير تايواني أو صيني، عايز تركب مواتير ألماني ولا حاجة، نشيل الماتور ده ونركب الماتور ده، عايز الماتور إيطالي، براحتك
العميل : تمام…. كويس جداً جداً جداً
مهندس منسي : آه ما تقلقش خالص
العميل : الله المستعان، متشكر جداً
مهندس منسي : ماشي مع السلامة
العميل : مع السلامة
