مكنة تعبئة العصير الأوتوماتيك في عبوات بلاستيك من شركة المهندس منسي
العميل : سلام عليكم
مهندس منسي : وعليكم السلام ورحمة الله وبركاته
العميل : حضرتك يا باشا عايز أعرف عندكم المكنة بتاعت العصاير، اللي هي بتعبي العصاير أتوماتيك؟
مهندس منسي : نعم
العميل : بقول خطوط اللي هي بتعبي العصاير أتوماتيك
مهندس منسي : آه هتعبي في أزايز، عبوات وأزايز ولا في أكياس
العميل : كرتون في كرتون
مهندس منسي : في كرتون آه
العميل : اللي هي بتبقى بشفاط دي
مهندس منسي : اللي عندنا بس في أزايز وعبوات والأكياس بس
العميل : الأزايز والعبوات
مهندس منسي : أزايز وعبوات وجراكن وأكياس
العميل : عبوات إيه، مش عبوات اللي هي الكرتون بتاع الشفاط دي
مهندس منسي : لأ عبوات بلاستيك
العميل : عبوات بلاستيك
مهندس منسي : عبوات بلاستيك أو أزايز إزاز أو جراكن أو علب صفيح أو أكياس
العميل : طب العلب الصفيح دي موجودة عندكم؟
مهندس منسي : اللي بتعبي في العلب الصفيح؟
العميل : آه
مهندس منسي : هي نفسها اللي بتعبي في الأزايز والعبوات
العميل : طب تمام، هوه المكان بتاعك فين طيب
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : طب أقرب مكان من محطة مصر إيه
مهندس منسي : باب الشعرية
العميل : طب أركبله إيه
مهندس منسي : اركب الوسيلة اللي تريحك
مهندس منسي : أنا هبعتلك العنوان وأنت اركب تاكسي وقوله العنوان ده أنا عايز أروحله
العميل : طيب، أبقى أركب تاكسي وهو هيوديني…
مهندس منسي : لو ما بتحبش التاكسيات اركب مترو
العميل : اركب مترو
مهندس منسي : آه
مهندس منسي : لو ما بتحبش المترو اركب الأتوبيس، لو ما بتحبش التلاتة خدها مشي
العميل : ماشي يا باشا
مهندس منسي : ماشي يا غالي
العميل : أنا هشوف أقرب مواصلة وهجيلك
مهندس منسي : هبعتلك العنوان حالاً
العميل : ماشي يا باشا شكراً يا ريس
مهندس منسي : مع السلامة
العميل : سلام
