مكنة تعبئة الورنيش في عبوات النصف أوتوماتيك والأوتوماتيك من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : أتشرف بحضرتك

مهندس منسي : خير أأمريني

العميل : أنا الحاجة سحر رئيس القطاع التجاري شركة المواد الكيماوية، مصنع 72 حربي

مهندس منسي : أهلاً وسهلاً، مع حضرتك المهندس منسي

العميل : أهلاً وسهلاً يا فندم، إزي حضرتك، أنا جبت شركة حضرتك من على النت

مهندس منسي : آه

العميل : كنت عايزه أتشرف بشغل حضرتك كده، مكن التغليف اللي عندك تبعتلي على الفاكس

مهندس منسي : ما هو كل المكن بتاعنا، إحنا عندنا 50 مكنة دول ماركتنا إحنا، يعني إحنا دول ماركة المهندس منسي، يعني ماركة عالمية، إحنا كنا عارضين في الصين بنافس في الشركات الصينية في كانتون اللي فات

العميل : ألاقي عند حضرتك مكنة تعبئة ورنيش تقيل؟

مهندس منسي : آه موجودة إن شاء الله، إنت هتعبيها في إيه؟ عبوات ولا أكياس؟

العميل : لا عبوات

مهندس منسي : آه… عايزها أتوماتيك ولا نص أتوماتيك؟

العميل : اللي عند حضرتك ابعتهولي

مهندس منسي : الـ 2 عندنا

العميل : أنا عايزه أي حاجة اللي عند حضرتك ابتعهولي

مهندس منسي : طيب…

العميل : وعند حضرتك فيه اللي هي تغليف الشرينك؟

مهندس منسي : عندنا آه

العميل : طب ممكن حضرتك برده تبعتلي عرض سعر عنها؟

مهندس منسي : حاضر.. طب هوه مش ممكن تبعتلنا طلب استفسار على الإيميل أو طلب عرض أسعار على…

العميل : والله بص أنا بس عايزه أتعرف على حضرتك والشركة والشغل اللي عند حضرتك وهبعتلك وهقول لحضرتك كمان أي حاجه في سجل الموردين

مهندس منسي : إن شاء الله

العميل : برده أتشرف إن حضرتك تبعتلي الورق بتاع سعادتك إن إنت مسجل عندي في سجل الموردين

مهندس منسي : إن شاء الله

العميل : صورة البطاقة الضريبية، وصورة السجل التجاري، وصورة التسجيل في ضريبة القيمة المضافة، وأي بقى… نشاط حضرتك بقى، واللي حضرتك اشتغلت فيه، ولو فيه كتالوجات ولا حاجة ممكن… إن أمكن يعني تبعتلي حاجة منها لو عرفت حضرتك على الفاكس

مهندس منسي : إن شاء الله

العميل : أنا هبعتهم لحضرتك بوستة في البريد، لأنه الفاكس إحنا موقفينه بقالنا فترة

مهندس منسي : طب ما ينفعش على الميل؟

العميل : ينفع على الميل آه

العميل : طيب حضرتك بس أنا حتى بس أنا عايزه عرض السعر بتاع حضرتك بس ابعتهولي

مهندس منسي : طيب أنا هبعت لحضرتك دلوقتي الميل في رسالة، وحضرتك بس ابعتيلي أنا فلانة الفلانية بس مش أكتر

العميل : هوه الميل بتاعي أقوله لحضرتك؟

مهندس منسي : هوه السبيلنج بتاع الإنجليش بيبقى صعب شويه

العميل : طب أنا عندي الميل بتاع حضرتك أنا جايباه من على النت

مهندس منسي : اللي هوه إنفو آت إم تو باك دوت كوم

العميل : آه

مهندس منسي : آه هوه ده

العميل : ماشي يا فندم

مهندس منسي : وهبعتهولك دلوقتي زيادة احتياط

العميل : وفي كمان إنفو إنجنيرنج منسي

مهندس منسي : لأ… خليها إنفو آت إم تو باك دوت

العميل : طيب أنا هبعت لحضرتك دلوقتي ويا ريت حضرتك ترد تبعتلي حضرتك بس عرض السعر

مهندس منسي : إن شاء الله

العميل : أنا بس بعمل حاجه كده فعرفت إن حضرتك شغال في مواد التعبئة، ماكينات التعبئة..

مهندس منسي : إحنا كنا شركة من الـ 3 شركات اللي مثلت مصر في معرض كانتون الدولي

العميل : شرفتني

مهندس منسي : الله يبارك لك

العميل : الله يخليك

العميل : مرسي يا فندم متشكرة، مع السلامة