مكنة تعبئة السكر الأوتوماتيك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المنسي
مهندس منسي : أيوه
العميل : لو سمحت كنت عايز أسأل على شركة التعبئة، أو مكنة التعبئة بكام؟
مهندس منسي : تعبئة إيه؟
العميل : تعبئة السكر
مهندس منسي : إنت عايزها نص أتوماتيك ولا أتوماتيك؟
العميل : لأ أتوماتيك
مهندس منسي : هوه النص أتوماتيك عامله ، والأتوماتيك عامله 6، وإحنا بنحاسب ال على 12.5
العميل : طب معلش تبقى كام بالمصري معلش؟
مهندس منسي : ثانية واحدة
العميل : معاك
مهندس منسي : النص أتوماتيك يا سيدي 15000 جنيه مصري، والأتوماتيك 81250
العميل : تمام كده… طيب ماشي ألف شكر يا باش مهندس
العميل : معلش يا باش مهندس نسيت أسألك على حاجة، طيب بالنسبة للإنتاج بيبقى أد إيه مثلاً في الساعة؟
مهندس منسي : النص أتوماتيك بتعمل مثلاً طن، والأتوماتيك بتعمل 2.5 طن حسب المادة بقى اللي نازله، ممكن تعمل 3 و 4 طن ولكن حسب المادة اللي نازله، 2 ـ 2.5 طن نسبة الهرولة، يعني السكر لو ناعم يفرق عن السكر خشن، مرطب غير ناشف.. كده يعني
العميل : مضبوط أيوه فهمت كده أنا، خلاص ماشي يا باش مهندس
مهندس منسي : اللي أنا بكلمك عليه ده كده يعني المعتاد
العميل : أيوه.. أيوه.. طب أنا لو حبيت مثلاً أركب ماكينة ياخد أد إيه وقت؟
مهندس منسي : الـ إيه؟؟
العميل : الوقت بتاعه في التركيب
مهندس منسي : وقت إيه؟؟
العميل : يعني دلوقتي إن شاء الله بإذن الله حبيت آجي عشان أركب مكنة التعبئة ياخد أد إيه؟ يعني إنتم اللي هتركبوه ولا…
مهندس منسي : دي موجودة بضاعة حاضرة
العميل : آه…
مهندس منسي : يا باشا إنت بتتعامل مع مكن المهندس منسي، مكن المهندس منسي معروف عالمياً أسهل مكن في التشغيل وفي الصيانة وفي كل حاجة
العميل : أيوه تمام كده
مهندس منسي : أنا جيبت ناس معايا من محو أمية عملتهم مهندسين
العميل : لأ أنا مش على كده…
مهندس منسي : العيال اتجننت تاني يوم قالوا المهندس… عملتهم مهندسين، سهلت لهم الدنيا على الآخر بسطت لهم التكنولوجيا، بسطت لهم الحاجة… اكتب المهندس منسي في معرض الصين الدولي، شوف الناس في الأرجنتين والبرازيل، كل الناس بيبصوا على سهولة المكنة وتشغيلها منبهرين بيها
العميل : أيوه.. أيوه…
مهندس منسي : هوه إنت عايز مكنة تلف حوالين نفسك فيها، ولا عايز مكنة تشتغل وتبقى سهلة الصيانة وسهلة كل حاجة؟
العميل : لأ أنا عايز مكنة تكون سهلة في كل حاجة
مهندس منسي : بس… بص كده على مكنة أخوك كده بص… خش كده واتفرج
العميل : خلاص ماشي، أنا معرفتش الشركة فين بقى؟
مهندس منسي : إحنا عندنا حدائق القبة، مدينة نصر، باب الشعرية
العميل : طب فين في باب الشعرية فين عشان هوه قريب ليا عشان أنا من دار السلام
مهندس منسي : هبعتلهولك حالاً
العميل : طيب ماشي.. ماشي.. مع السلامة
