مكنة تعبئة زيت الطعام موديل 403 من شركة المهندس منسي
العميل : سلام ورحمة الله وبركاته.. شركة المهندس منسي
مهندس منسي : سلام عليكم
العميل : إزيك يا باشا إيه أخبارك
مهندس منسي : الحمد لله
العميل : مع حضرتك المهندس ماهر الحديدي من دمياط
مهندس منسي : أهلاً وسهلاً
العميل : يا أهلاً بسيادتك، بقول لحضرتك والله أنا كنت بعتلكم ناس قبل كده أعرف أنكم رواد في مواضيع البلاستيك والتغليف وكده، بعتلكم ناس من دمياط يعني
مهندس منسي : بس أنا ما سبقش إن اتكلمت مع حضرتك قبل كده يعني
العميل : بقولك عايزين مكنة تعبئة زيت طعام
مهندس منسي : آه
العميل : عند حضرتكم آخر سعر كام؟
مهندس منسي : بص يا سيدي طعام حاجة كده خفيفة ، وفي حاجة تانية….
العميل : لا إحنا عايزنها صناعية، إنتاجية آه
مهندس منسي : وفي عندنا حاجة 1 نزل، وفي 2 نزل، وفي 4 نزل
العميل : 1 نزل
مهندس منسي : أيوه
العميل : دي المنزلية
مهندس منسي : لأ المنزلية حاجة اسمها ديسك توب
العميل : ديسك توب بتاعه فوق بتتحط…
مهندس منسي : بامب معمولة بامب و كده بتتحط على المكتب أو بتتحط على الترابيزة وتقعد تعبي تعبي تعبي وتقفل بيها
العميل : بتعاير إزاي دي؟
مهندس منسي : دي بيبقالها ديجاتل بيبقالها عداد ديجاتل بنعلمك إزاي تعاير
العميل : دي تمنها كام؟
مهندس منسي : دي تمنها يا سيدي، بسم الله الرحمن الرحيم، 350
العميل : 350 يعني 3500 جنيه
العميل : طيب، إنت بتبيع بال ليه؟
مهندس منسي : أنا مش ببيع بال أنا بسمي بس بال عشان السعر وكده كل يوم طالع نازل
العميل : آه والله إحنا عندنا في الأجهزة الطبية الناس رفضت البيع أصلاً
مهندس منسي : أنا بسمي بال بس عشان….
العميل : أيوه عشان أبقى عارف الجيمة يعني، أصل أنا النهاردة هوه طالع نازل ما حدش عارف الموضوع إيه…
مهندس منسي : ما هوه لما تشتري مني هتشتري بالجنيه المصري، لو أنا قلتلك مش هاخد منك بالجنيه المصري تروح تشتكيني
العميل : حضرتك هتبعلي بسعر ال بسعر يومه؟
مهندس منسي : آه
العميل : يعني لو ال بقى بـ 7 جنيه هتديني بـ 7 جنيه
مهندس منسي : أيوه، ولكن إحنا بنعمل إيه بقى، إحنا بندي خصم على ال 10%، لو إنت جيبتلي فلوس بال بنديلك خصم 10% في إيديك
العميل : آه… تصدق لعبة حلوة
مهندس منسي : ما هوه هتعمل إيه…
العميل : هعملها أنا كمان، ما هوه أنا بشتغل في الأجهزة الطبية، موضوع الزيت ده جماعة أصدقائي كده يعني مقترحينه، أنا بعتلكم ناس كان عندهم مشروع بيعبوا مناديل وبتاع من بتاعت الأسنان، سألوكم على مكنة وخدوها منكم
مهندس منسي : الله يبارلك
مهندس منسي : هوه بص إحنا بنعمل إيه، إحنا بنسمي بال، ولما إنت تيجي تشتري إحنا بنديلك خصم في إيدك 10%، طب لو اشتريت بالمصري، بنديلك برده 10% بس على سعر ال النهاردة
العميل : كلام سيادتك مضبوط يا باشا، ربنا ينتقم منهم اللي عملوا فينا كده
مهندس منسي : ربنا يهديهم
العميل : طب يا باشا، يا باشا الـ 4 نزل بكام والـ 5 نزل بكام
مهندس منسي : الـ إيه؟
العميل : الـ 4 نزل والـ 5 نزل
مهندس منسي : نتكلم الأول في 1 نزل بـ ، يعني 10000 جنيه مصري، الـ 2 نزل
العميل : نزل دي اللي بتعبي إزازة واحدة يعني
مهندس منسي : آه يعني ليها بق واحد هينزل في عبوة واحدة، 2 نزل يعني ليها بقين هينزل في عبوتين عبوتين، معايا يا هندسة
العميل : 2 نزل تعمل كام في الساعة
مهندس منسي : الواحد نزل تعمل في حدود من 800- 1200
العميل : في الساعة
مهندس منسي : في الساعة آه… الـ 2 نزل بتعمل من 1000-2000
العميل : الـ 2 نزل بتعمل من 1000-2000 في الساعة
مهندس منسي : الواحد نزل بتعمل 1000، والـ 2 نزل بتعمل 1
مهندس منسي : تقدر تعمل إيه بقى؟ تقدر تخلي الـ 2 نزل تبقى 4 وتبقى 6 وتبقى 8 وتبقى 10 وتبقى 12…
العميل : على نفس الماكينة
مهندس منسي : أيوه تعدد وحدات بقى، في عندنا وحدة كاملة اسمها 4 نزل، الـ 4 نزل بتعمل
العميل : معقولة
مهندس منسي : آه تقدر تعمل إيه بقى، إحنا عندنا وحدة 1 نزل ووحدة 2 نزل ووحدة 4 نزل
العميل : تمام
مهندس منسي : الوحدة الـ 2 ، الوحدة الـ 4 نزل،
العميل : الله طب الـ 2 نزل 1500 والـ 4 اللي إزاي 3500
مهندس منسي : ما هو مش لازم يكون السعر الضعف علشان يعني 2 و 4
العميل : ايوه ايوه
مهندس منسي : إنت ممكن تعمل إيه؟ ممكن تاخد الـ 2 نزل مرتين بقت 4 نزل، ممكن تاخد 3 مرات بقت 6، تخدها 4 مرات بقت 8
العميل : طب هي تمنها كام؟ 15
مهندس منسي : يعني 15000 جنيه مصري
العميل : دي اللي هي كام نزل
مهندس منسي : الـ 2 نزل
العميل : الـ 2 نزل، اللي هتديني من 1500-2000 في الساعة
مهندس منسي : أيوه
العميل : طيب يا باشا العبوات…
مهندس منسي : من 1600-2400
العميل : طب حلو جداً يا باشا، طب إنتم ليكم سيادتك موقع أقدر أبص عليها المكنة
مهندس منسي : آه…
العميل : اكتب إيه
مهندس منسي : اكتب 403 المهندس منسي
العميل : 403 المهندس منسي؟
مهندس منسي : آه، أو 403 ماركة المهندس منسي
العميل : 403
العميل : طيب يا باشا، هوه سيادتك معايا مين؟
مهندس منسي : أنا المهندس منسي
العميل : يا سلام، دإحنا يعني حظنا حلو إن إحنا سمعنا صوتك
مهندس منسي : أنا الأسعد يا باشا
العميل : أيوه والله العظيم يا باش مهندس، ربنا يعزك ويكتر منك
مهندس منسي : ربنا يخليك
العميل : آه والله إنت عملت بحث وشغلت ناس ده سيرتك طيبة جداً يعني
مهندس منسي : الحمد لله ده من فضل ربنا
العميل : ربنا يخلي سيادتك، إحنا يا باشا إحنا بنشتغل في عربيات الإسعاف، بنورد عربيات إسعاف، للحكومة وشغالين مع الجيش ومع المستشفيات ومع وزارة الصحة، إحنا اللي مسلمين العربيات البرتقالي الحلوة ديت، إن شاء الله هاجي أشرب مع سيادتك القهوة خلال الأسبوع الجاي يعني نتشرف بمعرفتك
مهندس منسي : إنت تيجي تنورني في أي وقت
العميل : الله يخلي سيادتك
العميل : بالنسبة للعبوات يا فندم حضرتك اللي بتعملها ولا في حد كويس يعملنا؟
مهندس منسي : عادي نقدر نصنعها، نقدر نصنعها
العميل : عبوة مميزة كده تكون شكلها كويس
مهندس منسي : عادي ما فيش مشكلة، حضرتك بتجيبلي التصميم أو بتجيبلي صورة العبوة وإحنا بنصنعها لك
العميل : طب تمام… طب الليبول بقى العلامات والكلام ده مافيش مكنة تعبي وتلصق الليبول وتعمل كل الكلام ده؟
مهندس منسي : تقدر تعمل كل حاجة ما تقلقش
العميل : اللي هي عندك الـ 2 نزل ديت
مهندس منسي : آه.. تقدر تجيب معاها مكنة ليبول جنبها
العميل : ده بيبقي مديول
مهندس منسي : نعم…
العميل : مديول أي مديول نركبه عليها يعمل هوه الليبول ويلصق، بس دلوقتي أنا مش عارف إنتم كنتم عاملين إعلان المكنة اللي بتسخن الشرنك الكيس المكتوب عليه كل الداتا، وبيتحط زي المادة اللي عندنا في الكهرباء اللي بنعزل بيها الكابلات اسمها الريكم، مجرد ما تسخنها لدرجة حرارة 70-80 تقوم كامشه على السلك…
مهندس منسي : هي المكنة عندكم اسمها ريكم؟
العميل : لأ المادة نفسها اسمها ريكم
مهندس منسي : لأ هي المادة عندنا اسمها بي بي سي شرينك، أو بولي إلفن شرينك
العميل : أيوه تمام، رأيك إيه يبقى ليبول ويتلصق ولا مادة زي اللي بتتحط على العلب العصير دي؟
مهندس منسي : والله براحتك إنت اللي بتشوف سوقك وإنت اللي بتقول، أنا…
العميل : يا باشا أنا بكلم دلوقتي، لا يفتى ومالك في المدينة.. إنت سيادتك تقولي الصالح لك كذا آخد وما تكلمش على طول
مهندس منسي : لا الله يبارك يا رب، ولكن هوه الدراسة التسويقية التسويق حضرتك هيبقى أفضل من رؤيتي، يعني إنت في السوق ده محتك أكتر وعارف اللي ماشي إيه، لأن هوه للأسف العميل المصري بياخد بالعين مش بياخد بالجودة ولا…
العميل : بالمنظر للأسف الشديد
مهندس منسي : بيقولك العبوة دي كانت نازله من بره بالشكل، هوه خلاص قافله معاه بالشكل ده، لو جيت غيرت له اللون اللي كان في عيب في العبوة مثلاً لو جيت غيرت له العيب وخليت العبوة ما فيهاش عيب ما يخدوهاش
العميل : بالضبط.. تمام.. تمام.. ماشي يا باشا خلاص أنا إن شاء الله الأسبوع الجاي… المكان فين يا فندم؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : مدينة نصر، 6 أكتوبر، خلينا مدينة نصر إن شاء الله يعني
مهندس منسي : ماشي يا باشا
العميل : فين في مدينة نصر يا باشا؟
مهندس منسي : هبعتلك الداتا بتاعتي حالاً
العميل : خلاص على الشات يا فندم تحت أمر سيادتك، أو على الواتس قصدي يعني لو عند سيادتك واتس
مهندس منسي : هوه هحاول أشوفهولك على الواتس، ولكن أسهل إني أنا أبعتها على الشات هنا على طول
العميل : خلاص يا فندم تحت أمرك ده أنا أتشرف جداً يا سيدي
مهندس منسي : أهلاً بيك يا غالي
العميل : وقبل ما آجي هكلمك بالليل ليلتها عشان أشوف سيادتك لو عايز حاجة من دمياط نجيبهالك وإحنا جايين يعني
مهندس منسي : هوه أنا مش موجود في مدينة نصر…
العميل : خلاص يا فندم…
مهندس منسي : أنا موجود في باب الشعرية كل الأيام ماعدا يوم السبت بكون موجود في مدينة نصر
العميل : خلاص يا باشا يبقى نيجي باب الشعرية يا باشا
مهندس منسي : تنورنا بالزيارة
العميل : أوامر سيادتك الله يكرمك، أي أوامر مني يا باشا
مهندس منسي : متحرمش منك يا غالي
العميل : ماشي يا فندم في أمان الله، اتفضل يا باشا مع ألف سلامة
