مكنة تعبئة زيوت الفرامل النصف اوتوماتيك من شركة المهندس منسي

 

العميل : سلام عليكم

مهندس منسي : عليكم السلام ورحمة الله وبركاته

العميل : إزي حضرتك

مهندس منسي : أهلاً بيك اتفضل

العميل : باشا أنا كنت ببحث على النت عشان أشوف موضوع تعبئة زيوت الفرامل فاتصلت

مهندس منسي : آه اتفضل

العميل : أنا بفكر أعمل مشروع تعبئة زيت الفرامل في العبوات البلاستيكية الصغيرة، ومعنديش أي فكرة تاني عن الموضوع

مهندس منسي : اللي هي ربع لتر، ولا هي…

العميل : آه اللي حوالي 200 جرام آه

مهندس منسي : 200 مللي آه، عبوة صفرا

العميل : آه بالضبط كده آه

مهندس منسي : ماشي، هوه حضرتك عندنا المكن في نص أتوماتيك وفي أتوماتيك

العميل : طب حضرتك برده تعرف توجهني أجيب المادة نفسها منين….

مهندس منسي : الزيت نفسه

العميل : أيوه

مهندس منسي : لأ أنا بالنسبة لي أقدر أجيبلك العبوة، أقدر أعبي… يعني مثلاً أديلك مكنة التعبئة، إنما أنا أديك الزيت….

العميل : لا.. لا… أنا عايزك توجهني يعني

مهندس منسي : والله أنا أعرف حد محترم قوي مستورد اسمه القباح، إنما هوه دلوقتي مش مستورد

العميل : آه.. طيب المكنة النص أتوماتيك بكام والأتوماتيك بكام؟

مهندس منسي : والله هوه في مكن كتير، في مكن في النص أتوماتيك بيبدأ من 350 يعني 3500 جنيه مصري

العميل : طيب تمام

مهندس منسي : وفي مكنة تانية على النص برده بتعمل يعني 8000 جنيه

العميل : طيب إيه الفرق بين النص أتوماتيك والأتوماتيك في التعبئة معلش؟

مهندس منسي : النص أتوماتيك إنت بحط العبوة وتستنى لما تتعبى، أما أتوماتيك بتحط العبوة وتسيبها هي تعبي روحها لوحدها

العميل : أيوه.. أيوه فهمت، يعني إنت بتحط العبوة وتستنى لما تتعبى وتشيلها وتحط غيرها، إنما الأتوماتيك بتشتغل لوحدها

مهندس منسي : أيوه

العميل : طيب الأتوماتيك بكام بـ ؟

مهندس منسي : لأ أنا بكلمك لسه في النص أتوماتيك، النص أتوماتيك في منها بـ 350 اللي هي اسمها ديسك توب، وفي منها نوع تاني اسمه مكنة تعبئة بستيمية بـ يعني 8000 جنيه، وفي منها نفس المكنة البستيمية دبل نزل، يعني بتعبي عبوتين في الضربة الواحدة بتعمل يعني 15000 جنيه، وفي منها 4 نزل يعني في الضربة الواحدة بتملا 4 عبوات بتعمل يعني 35000 جنيه

العميل : تمام….

مهندس منسي : طب في البداية الواحد مش محتاج اللي هي 4 لأنك ما تعرفش التوزيع شكله عامل إيه، لما تتوسع ممكن الواحد يبقى يشتري حاجة أكبر بقى

المكن النص أتوماتيك دوت نقدر نخليه أتوماتيك كامل

العميل : كمان ممكن يتحول يعني؟

مهندس منسي : آه

العميل : تمام.. الصيانة عندكم طبعاً إن شاء الله؟

مهندس منسي : إحنا ماركة.. براند

العميل : آه…

مهندس منسي : يعني إحنا اللي مصنعين ولكن مصنعين قطع الغيار بره ومجمعينها هنا في مصر

العميل : يعني أي حاجة أي مشكلة في الصيانة بتبقى عندكم إنتم

مهندس منسي آه موجودة وإن شاء الله ربنا ما يجيبش صيانة، المكن بتاعنا الحمد لله أد إيه سهل، أد إيه بسيط، أد إيه مش محتاج صيانة

العميل : تمام.. تمام، طيب مقركم فين يا باشا؟

مهندس منسي إحنا عندنا حدائق القبة، مدينة نصر، باب الشعرية، 6 أكتوبر

العميل : كله في القاهرة يعني، إحنا في إسكندرية، طب المكنة محتاجة مساحة أد إيه؟

مهندس منسي لا مش محتاجة أي مساحة عادي، حطها على ترابيزة مافيهاش مشكلة

العميل : يا سلام

مهندس منسي آه…

العميل : طيب تمام…

مهندس منسي حطها على مكتب ولا حاجة

العميل : طيب يعني غرفة واحدة تكفي الموضوع

مهندس منسي آه الواحد نزل و2 نزل و4 نزل.. واخد بالك، كله محددين قوي في المكان عشان خاطر عارفين المكان في مصر مشكلة

العميل : بالضبط آه

مهندس منسي فإحنا عاملين الأداة بحيث إنها ما تحتاجش مكان، والكهربا عادية….

العميل : أ/ مين معايا بعد إذنك؟

مهندس منسي المهندس منسي معاك

العميل : طب يا باش مهندس بعد إذن حضرتك لو تقدر تفيدني في موضوع الزيت دوت يبقى جزاك الله خير

مهندس منسي بقولك في واحد عندكم في إسكندرية واحد اسمه الصاوي

العميل : هوه دوت اللي بيبقى عنده المادة الخام

مهندس منسي ده مستورد من أكبر المستوردين، في بقى ناس تانية أنا مش متذكرها

العميل : آه….

مهندس منسي ولكن ده يعتبر من أكبر المستوردين في مصر

العميل : يعني ده اللي هيبقى عنده الزيت بالبرميل

مهندس منسي آه.. آه.. هيقدر يديلك الزيت بالبرميل آه، روح قوله أنا جايلك من طرف المهندس منسي

العميل : طب مافيش تليفون بتاعه أو عنوانه؟

مهندس منسي أنا.. أنا صدقني كفاية إن افتكرت لك اسمه، هوه أنا دليل تليفونات، اكتب على النت الصاوي، أو ابحث عنه في بتوع….

العميل : ماشي يا باش مهندس

مهندس منسي وفي شركة اسمها أكما للزيوت البترولية في أول إسكندرية

العميل : آه… طيب أنا هبحث عنهم على النت وإن شاء الله أول ما أوصل للمادة الخام أتصل بحضرتك وآخد معاك ميعاد وأجيلك القاهرة بأمر الله

مهندس منسي ماشي يا غالي، ابقى سلملي عليهم لو رحت قابلتهم

العميل : ماشي يا باش مهندس.. ماشي يا باش مهندس.. شكراً جزيلاً يا باش مهندس

مهندس منسي العفو مع السلامة

العميل : مع السلامة