مكنة تغليف الشرينك من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : إزي حضرتك يا فندم عمر رابح معاك

مهندس منسي : أهلاً بيك

العميل : أهلاً بيك يا فندم

العميل : والله كنت بسأل على مكنة شرينك أكبر مقاس عندكم ياخد بورده أد إيه؟

مهندس منسي : برده إزاي؟

العميل : أنا عايز أغلف البورده بتاعت كلية هندسة، أحطها في كيس بي في سي وأدخلها في مكنة لحام، أنا عندي مكنة الشرينك الصغيرة اللي هي 45 سم دي

مهندس منسي : 45 سم عرض يعني

العميل : آه.. في عندك إنت حاجة أكبر من كده

مهندس منسي : عادي نقدر نعملك أي مقاس إنت عايزه

العميل : يعني مثلاً 60 أو 80

مهندس منسي : مافيش مشكلة

العميل : يخاد بولي إيثيلين وبي في سي ولا بي في سي بس

مهندس منسي : حضرتك بتديلنا تعليماتك وإحنا بنصنعهالك بالطلب

العميل : طيب ….

مهندس منسي : أما بالنسبة للمقاسات الاستاندر عندنا في مقاسات استاندر عندنا أوردي لو مفيش مقاس استاندر يلائمك حضرتك بتقولنا أنا عايز مقاس كذا × كذا وإحنا…

العميل : أكبر مقاس جاهز عند حضرتك كام

مهندس منسي : 35 × 45

العميل : لا يبقى كده هنضطر نعملها عمولة يعني

مهندس منسي : إن شاء الله

العميل : طيب عشان ما يبقاش الصوت بتاعها عالي قوي يعني، تتكلف كام يا باش مهندس؟

مهندس منسي : حضرتك التكلفة بقى تيجي تشرفنا بالزيارة ونقعد مع بعض ونحسبها، عشان نشوف العرض والارتفاع والبي في سي ولا بولي ….

العميل : لا بص حضرتك أنا ماليش أي مواصفات، هي برده السمك بتاعها 5 سم، لو عايز الارتفاع 7سم اعمله، أنا أهم حاجة إن هي تخش في المكنة، هي البرده عبارة عن لوح كونتر يعني

مهندس منسي : آه…

العميل : جزء من لوح كونتر مكتوب عليها كلية الهندسة

مهندس منسي : آه ما هو أنا عارفه والله اللي هوه مقاسه كام × كام

العميل : أنا عندي مقاسين، خلينا دلوقتي أنا عايز العرض 60 × 80 طول

مهندس منسي : آه.. يعني إحنا عرض المكنة 61 ـ 62 كده يعني،

العميل : عرض السير يعني

مهندس منسي : آه…

العميل : يعني يبقى على حسب تكلفة المكنة نشوف عملت ولا لأ، وعندي حاجة تانية عندي مقاس 30 × 22 سم

مهندس منسي : الارتفاع 22

العميل : يعني الارتفاع ممكن تخلي 10 سم

مهندس منسي : آه…

العميل : ولو أقل من 10 سم مافيش مشكلة

مهندس منسي : ماشي.. طيب نص ساعة كده وكلمني أكون حسبتهالك

العميل : الله يبارلك يا باش مهندس، شوفلي بس الصغيرة 60 سم، والكبيرة 80 سم

مهندس منسي : إن شاء الله

العميل : ماشي يا باش مهندس شكراً، لو كده أنا هجيلك آخدها بكره على طول إن شاء الله

مهندس منسي : ييسر ربنا

العميل : ماشي يا باش مهندس شكراً، سلام عليكم