مكنة تغليف الشرينك من شركة المهندس منسي
العميل: السلام عليكم
المهندس منسي: وعليكم السلام
العميل: كنت بسأل على مكنة تغليف الشرينك الفرن
المهندس منسي: آه
العميل: عايز أعرف عرض أسعار ؟
المهندس منسي: عايز إيه؟
العميل: عرض أسعار
المهندس منسي: ما هو عرض أسعار يعني إيه؟؟؟ ما هو سعرها بكذا، يعني سعرها أو ما يعادله بالجنيه المصري
العميل: دي نوعها إيه إيطالي؟
المهندس منسي: إيطالي؟؟؟
العميل: آه
المهندس منسي: لأ.. دي ماركة، براند عالمي اسمها ماركة المهندس منسي، اسأل عليها، سرش على ماركة المهندس منسي وارجع اتصل بيا تاني لو عجبتك
العميل: أنا شفتها على اليوتيوب آه
المهندس منسي: آه إحنا ماركة عالمية، إحنا بنروح نعرض في الصين، وبنعرض في ألمانيا، وفي إيطاليا، وفي أمريكا، فدي ماركة عالمية، بنصنع قطع الغيار بره مصر، في وات إيفر أياً كانت البلد، وبعد كده بنجمع قطع الغيار ديت تطلع في صورة مكنة، مثلاً لما تيجي تقول عربية تيويوتا أو النيسان أو مثلاً المرسيدس هل متصنعه في ألمانيا المرسيدس؟؟ بالتأكيد لأ أغلبها متصنع بره مصر في أي دولة، وبعد كده اتجمعت وجاتلك على أنها ألماني
العميل: طب دي سعرها إيه؟
المهندس منسي: أو ما يعادله بالجنيه المصري، إحنا بس بنسمي بال عشان ثبات النسبي لل
العميل: طب دي بالشحن ولا من غير؟
المهندس منسي: لا من غير الشحن
العميل: طب الشحن لغاية برج العرب يتكلف كام؟ وضمانها أد إيه؟
المهندس منسي: عملية تكلفة الشحن ديت اتصل بشركة شحن اسألهم عن سعر الشحن همه يبعتوهولك…
العميل: منين حضرتك مكانك فين؟
المهندس منسي: في القاهرة
العميل: فين في القاهرة؟
المهندس منسي: عندنا عدد من الفروع في القاهرة إحنا عندنا حدائق القبة، مدينة نصر، باب الشعرية، 6 أكتوبر
العميل: يعني أنا لو هشحن هشحن من أي مكان من دولت، ولا في مكان معين؟
وات إيفر أياً كان الفرع مافيش مشكلة
العميل: طب عند حضرتك إنك جيت
المهندس منسي: تقصد إيه بالإنك جيت؟ يعني مكنة تطبع أحبار إنك جيت؟ طب ما ننهي قصة قصة، يعني ننهي قصة المكنة الأولانية وبعد كده نبدأ نتكلم في المكنة التانية، عشان الدنيا ما توهش مننا بس
العميل: لا مش هتوه أنا محتاج كذا مكنة، إحنا مصنع جديد بنفتح في برج العرب في إسكندرية، ومحتاجين كذا مكنة
المهندس منسي: إحنا بنبني عندكم مصنع
العميل: فين؟
المهندس منسي: جنب الشرقية للدخان، اكتب كده الوصول إلى مصنع المهندس منسي بالإسكندرية
العميل: طب هوه مصنع شغال ولا لسه؟
المهندس منسي: إحنا بنبنيه لسه، ادعيلي
العميل: إحنا جنبكم في برج العرب..عشان كده كنت بقول لحضرتك عرض أسعار حضرتك قلتلي المكنة
المهندس منسي: آه…
العميل: بقول لحضرتك كنت محتاج مكن باركود برنت وسكانر
المهندس منسي: آه…
العميل: وإنك جيت ومكنة تغليف شرينك
المهندس منسي: آه…طب أنا رديت عليك في مكنة الشرينك، أي مكن تاني بقى ابعتلنا طلب استفسار على الإيميل وهيرد عليك المراسلات في الشركة
العميل: طب إيميل حضرتك فين ممكن تبعتهولي؟
المهندس منسي: هبعتهولك في رسالة دلوقتي حالاً
العميل: خلاص شكراً، مع السلامة
