مكنة تغليف شرينك موديل 101 ماركة مهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	إزيك يا باش مهندس
المهندس منسي	:	أهلاً بيك
العميل	:	كنت عايز أستفسر عن نفق شرينك
المهندس منسي	:	آه.. مكنة تغليف شرينك، موجودة بضاعة حاضرة
العميل	:	طب حضرتك عايز مقاس 25 × 45
المهندس منسي	:	مقاس الشغلانة عندك كام؟ الحاجة اللي هتغلفها مقاسها كام؟
العميل	:	أقصى ارتفاع 4.50 × عرض 20 × طول 24
المهندس منسي	:	هو الطول مش مشكلة، هو الارتفاع والعرض المهم بالنسبة لنا
العميل	:	ما هو عشان كده بقولك 25 × 45
المهندس منسي	:	آه موجودة المكنة نفسها
العميل	:	وعايز السخانات معدن مش إزاز
المهندس منسي	:	ماشي عادي مافيش مشكلة
العميل	:	طب عامله كام معاليك؟
المهندس منسي	:	هي المكنة في حد ذاتها عامله يعني 7200 جنيه مصري
العميل	:	سخانات معدن ها؟
المهندس منسي	:	لا ما هو إحنا هنشوف السخانات اللي موجودة دلوقتي كوارتز ولا معدن، لو إنت عايزها معدن هنعدلها لك
العميل	:	طب حضرتك ممكن تبعتلي صورتها على الواتس عشان لو كده أحولك صورتها وتبعتها لي
المهندس منسي	:	وحد الله المكنة موجودة بضاعة حاضرة، فحضرتك شرفنا بالزيارة اتفرج عليها
العميل	:	أنا حضرتك موجود في قنا مش في القاهرة
المهندس منسي	:	طب ابعتلي طلب عناوين على الميل وأنا أبعت لك العناوين كلها وإنت اختار العنوان اللي يناسب حضرتك
العميل	:	طب ممكن تاخد المقاسات اللي أنا محتاجها عشان نبقى عارفين
المهندس منسي	:	ابعتلي بقى كل حاجة على الميل واتعامل مع فرد المبيعات
العميل	:	ماشي يا حبيبي