مكنة تقطيع شرينك موديل 101 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | لو سمحت عايز أسأل على مكنة تقطيع شرينك مقاس 45 × 40 |
| المهندس منسي | : | آه موجودة بضاعة حاضرة |
| العميل | : | كام سعرها يا فندم؟ |
| المهندس منسي | : | مش ممكن تيجي تشرفنا بالزيارة تتفرج عليها |
| العميل | : | أنا كنت واخد سعر سابق بس كنت بسأل على الأسعار عشان لما آجي أبقى عامل حسابي |
| المهندس منسي | : | نفس السعر السابق بالضبط ما غيرناش أسعار |
| العميل | : | سلك النيكل كروم بتاع المكنة دي يبقى سمكه أد إيه؟ |
| المهندس منسي | : | أعتقد في حدود نص مللي |
| العميل | : | ماشي يا فندم، هجيلك النهاردة بإذن الله، هي مقاس 45 × 40 |
| المهندس منسي | : | هو أنا مش هبقى متذكر السلك سمكه أد إيه بس أنا أعتقد إنه نص مللي، إنت هتجيبه وتجدله إنت |
| العميل | : | أنا عندي يا فندم مكنة سلكها قاطع، فقلت أسأل برده عشان أشوف |
| المهندس منسي | : | هو متوفر تيجي تاخده عادي |
| العميل | : | أنا عارف يا فندم أنا بتعامل مع حضرتك على طول يعني |
| المهندس منسي | : | أنا اتشرفت بيك |
| العميل | : | الشرف لينا يا فندم، السلام عليكم |
