مكنة شرينك من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : باش مهندس إزيك

المهندس منسى : أهلاً بيك

العميل : المهندس تامر البحتيري معاك بكلمك من طرف أ/ أحمد جابر، وأ/ مصطفى

المهندس منسى : أهلاً وسهلاً

العميل : أهلاً يا باشا، أنا صاحب مصنع البحتيري للبلاستيك

المهندس منسى : أهلاً وسهلاً

العميل : إزيك يا باشا عامل إيه

المهندس منسى : الحمد لله

العميل : باشا كنت محتاج من حضرتك مكنة شرينك أغلف بيها زي طبق البيض كده

المهندس منسى : آه

العميل : موجودة عند حضرتك؟

المهندس منسى : إن شاء الله

العميل : طيب دي سعرها إيه يا باش مهندس؟

المهندس منسى :

العميل : مافيهاش كلام خالص؟

المهندس منسى : إحنا أسعارنا نهائية، إحنا شركة إنترناشيونال، شركة عالمية

العميل : ما هو أنا عارف… أنا عارف أنا بكلم مين طبعاً، بس عشمان بس في حضرتك

المهندس منسى : صدقني يعلم ربنا إحنا كلنا ملتزمين بقائمة أسعار

العميل : طيب تمام… طيب أنا برده عندي حاجة تاني عايز أغلفها، عارف حضرتك بكر الزبالة اللي هوه كيس زبالة 50 × قطر حوالي 15 سم

المهندس منسى : هوه الطول مش مهم، هوه الارتفاع والعرض هوه اللي مهم

ا العميل : لعرض 50 ، وعندي 40 وعندي 30

المهندس منسى : هوه هنا عرضها زي طولها لأنها دايرة

العميل : آه دايرة بالضبط

المهندس منسى : طولها × عرضها × ارتفاعها 15 × 15… هي نفس المكنة اللي أنا قلت لحضرتك عليها بـ

العميل : طيب أبص عليها فين يا باش مهندس

المهندس منسى : إحنا عندنا حدائق القبة، مدينة نصر، باب الشعرية، 6 أكتوبر

العميل : أنا في أكتوبر، فين في أكتوبر بقى؟

المهندس منسى : هبعتلك العنوان حالاً

العميل : ماشي يا حبيبي ربنا يبارك لك يا رب، كتر خيرك، شكراً يا هندسة