مكنة لحام أكياس الميتالايز من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : معاك عمرو من شركة إيزيس

مهندس منسي : أهلاً بيك

العميل : أهلاً وسهلاً بيك، بسأل على مكنة لحام على أكياس ميتالايز

مهندس منسي : آه موجودة

العميل : طيب هي لحام يعني بيبقى فردة واحدة يا باش مهندس ولا فردتين ولا…

مهندس منسي : لحام مستمر، يعني…

العميل : أنا مش عايز حاجة أتوماتيك عشان تبقى عارف

مهندس منسي : آه هي بتبقى لحام مستمر يعني إنت بتديلها فرخ وهي تاخد وتلحم وتودي الناحية التانية

العميل : آه.. آه.. أتوماتيك يعني

مهندس منسي : سيم أتوماتيك

العميل : في حاجة مانيوال خالص؟

مهندس منسي : الميتالايز دي مكنته، مافيش حاجة أحسن من كده

العميل : أنا مش عايز أحسن، أنا عايز أقل حاجة

مهندس منسي : طب ما هو بص حضرتك أنا رأيي حاجة، حضرتك تجيب العينة ونجرب لأنه الكلام كده إحنا بنوصف لبعض مش هنفهم بعض، إنت كده قاعد معرض للي هيتكلم معاك أحلى، فكده هات العينة وتعالى التجربة على البيان

العميل : طيب…

مهندس منسي : آدي البكرة، وآدي اللحام، وآدي الخامة في إيد حضرتك أهيت، نلحمهالك وإنت واقف عايز كمان خامات من عندنا، عندنا خامات كمان

العميل : ربنا يبارك فيك، آه بحتاج خامات طبعاً

مهندس منسي : موجودة برده

العميل : 12 / 20 عندك

مهندس منسي : اللي موجودة عندنا 12/ 40 و 12/80

العميل : مافيش الـ 12/20، أصل دي أكياس شاي، فبتبقى خفيفة

مهندس منسي : آه.. إنتم بتحتاجوها خفيفة آه، إنما نقدر نوفرها لكم، إنما هي بالنسبة لنا مش متاحة إنما عادي ده شغلنا

العميل : عشان كده بسأل حضرتك، أنا عايز بقى الأكياس ديت، أنا جبت عينة منها أنا عايز الأكياس اللي هي 12/20 وعايز المكنة اللي تقفلهم

مهندس منسي : آه المكنة موجودة عندنا

العميل : سعرها كام يا ريس؟

مهندس منسي : 3200 جنيه

العميل : طيب أستأذن حضرتك ممكن تبعتلي مواصفاتها مثلاً، أو عرض سعر بيها؟

مهندس منسي : أبعتها على إيه؟ ابعتلي طلب استفسار على الإيميل وهيرد عليك الجماعة إن شاء الله

العميل : الإيميل اللي هوه إنفو…

مهندس منسي : إنفو إم تو باك دوت كوم

العميل : ولو كده ممكن آجي لحضرتك إمتى بالعينة وتوريني المكنة؟

مهندس منسي : هوه إحنا موجودين من 11-9 طول أيام الأسبوع ماعدا يوم الجمعة

العميل : وهو كذلك، بص أنا هبعت الفلوس وأبعت مندوب يجرب عجبته ياخدها ويمشي

مهندس منسي : إن شاء الله

العميل : خلاص ماشي

مهندس منسي : ماشي يا باشا

العميل : شكراً يا باش مهندس، مع السلامة