مكنة لحام الأكياس من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باشا

المهندس منسي: أهلاً بيك

العميل: شركة المهندس منسي

المهندس منسي: أيوه

العميل: أهلاً وسهلاً بحضرتك…. كنا محتاجين مكنة لحام نص أتوماتيك اللي هي بالرجل دي اللي بتلحم الأكياس

المهندس منسي: موجودة

العميل: عامله كام دي سعادتك؟

المهندس منسي: مش عامله كام، اللي موجود دلوقتي مقاس 65، فإنت دايماً بتجيبه الـ 35 تقريباً

العميل: آه بتاعنا إحنا بتبقى 35 عشان أعرض حاجة بتبقى 25 في الأكياس، كيس الدقيق مثلاً

المهندس منسي: آه اللي عندنا دلوقتي الـ 65، ولكن هوه في عندنا بقى مكن تاني مكن لحام مستمر

العميل: بمعنى طيب حضرتك؟؟

المهندس منسي: يعني حضرتك اللي هي بالقدم ديت حضرتك بتسنى لغاية ما تتلحم

العميل: آه

المهندس منسي: لا التانية بتحطها على السير وتسيبها وتشوف غيرها وترميه تاني

العميل: طب إزاي بقى أحطها على السير إزاي مش فاهم، وضحها لي بعد إذنك

المهندس منسي: بص بيبقى في سير كده، إنت بتحط الكيس على السير بعد ما عبيته

العميل: تمام.. تمام

المهندس منسي: هوه الشفة بتاعته بتخش ما بين بكرتين، البكرتين دول بيتلحمه والسير بينقلك الكيس من هنا للناحية التانية

العميل: تمام

المهندس منسي: يبقى إنت كده وفرت عامل

العميل: تمام

المهندس منسي: هوه حضرتك يستحسن لو جيبت عينات معاك ورحت جربتها على الطبيعة

العميل: طب مثلاً بتعمل كام حضرتك؟

المهندس منسي: يعني 3600 جنيه مصري

العميل: طيب في كلام في السعر ولا إيه عشان هخلي الراجل يسحب فلوس

المهندس منسي: إحنا شركة إنترناشيونال

العميل: ما هو أنا عارف يا باشا، عشان كده بكلم حضرتكم، طب ممكن أخلي حد يكلم حضرتك على التليفون دوت تديله العنوان؟

المهندس منسي: هبعتلك أنا العنوان في رسالة دولقتي حالاً

العميل: طيب متشكرين جداً يا باش مهندس

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر أي فرع

العميل: تقريباً هتبقى باب الشعرية أقرب حاجة

المهندس منسي: طيب هبعتهولك في رسالة

و 6 أكتوبر ابعتلنا ده و 6 أكتوبر بحيث يبقى معانا الـ 2

العميل: ماشي يا باشا، شكراً… عامله 3600

المهندس منسي: إن شاء الله

العميل: طيب يا باش مهندس متشكر

المهندس منسي: يستحسن تجيب عيناتك وتجربها، انبصت منها خدها

العميل: اللحام طيب حضرتك اللي هوه بيلحم لحام عريض ولا اللحام اللي هوه…

المهندس منسي: عريض آه

العميل: عريض، مش الشكة، اللي زي ما يكون في فتلة كده في الكيس

المهندس منسي: ده المنزلية اللي بتعمل كده، بعدين اللحام بيبقى لحام عريض ممكن ترفعه براحتك

العميل: يعني في إدينا مافيش مشكلة

المهندس منسي: آه أصل دي بكرتين إنت ممكن تفكهم وتغير فيهم، وتغير في شكلهم كمان

العميل: طيب زي الفل

المهندس منسي: يعني بتعمل لحام بيسموه راس دبوس، إنت ممكن تخليه مربعات، ممكن تخليه مثلثات، ممكن تخليه سمبوكسات، وممكن تخليه رمز إنت تعلي تعبيتك بيه

العميل: آه.. آه.. اللحام نفسه

المهندس منسي: آه

العميل: اللحام نفسه ممكن يديني أكتر حاجة 1 سم مثلاً؟

المهندس منسي: 1.5 سم كمان، لو عايز

العميل: خلاص يا باشا، طيب ممكن تبعتهالي

المهندس منسي: هبعتهالك عادية، العادية أسهل

العميل: طيب مافيش مشكلة، ابعتها عادية وأنا هبعت حد ياخدها دلوقتي بإذن الله

المهندس منسي: متشكرين جداً يا باش مهندس

العميل: السلام عليكم

المهندس منسي:  سلام