مكنة لحام الأكياس وتاريخ الانتاج من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس

المهندس منسي: أهلاً بيك

العميل:  الله يخليك… حضرتك كنت عايز أسأل على سعر مكنة اللحام الأكياس وتاريخ الإنتاج

المهندس منسي: آه.. آه…دي مش مكنة لحام بس

العميل: أمال مكنة إيه حضرتك؟

المهندس منسي: مكنة لحام بسير يعني تعتبر إنتاج، حاجة إنتاجية… مش مكنة… أنا رأيي تيجي تبص عليها أحسن

العميل: ماشي أنا هاجي لحضرتك أنا عايز أبص عليها، يعني مثلاً عايز أعرف السعر مثلاً، أو ممكن آجي أبص عليها وأشوفها وبعدين مثلاً آجي في يوم تاني أشتريها

المهندس منسي: عادي مافيش مشكلة وتجربها وكل حاجة، تعالى

العميل: ماشي حاضر يا هندسة، طب اديني مثلاً فكرة عن سعرها

المهندس منسي: ما هوه أنا هقولك سعر بناء على إيه… هتقولي مكنة لحام… هي مش مكنة لحام وبس، هي مكنة لحام مع سير إنتاجي، مع حاجات كتير

يعني من الكلام بتقول مكنة لحام، ما هو ممكن تكون قصدك مكنة لحام يدوي بتاعت منازل، أو مكنة لحام الأكياس اللي هي العادية

العميل: لا.. لا.. أنا شفت بياناتها على النت

المهندس منسي:  طب ما هو تحت كل بيان هتلاقي السعر، هتلاقي جدول المواصفات، تحت جدول المواصفات كده

العميل: آه

المهندس منسي:  هي عموماً عاملة يعني 3600 جنيه مصر

العميل: حاضر يا باش مهندس، هبص وهجيلك كده إن شاء الله احتمال بكرة أو بعده

المهندس منسي:  تيجي تنورني في أي وقت

العميل:  الله يخليك يا هندسة

المهندس منسي:  المعرض مفتوح تيجي في أي وقت عادي

العميل: حاضر يا هندسة، ماشي .. العنوان حضرتك اللي هوه موجود على النت؟

المهندس منسي:  إحنا عندنا حدائق القبة، مدينة نصر، باب الشعرية، 6 أكتوبر

العميل: ماشي يا هندسة..ألف شكر