مكنة لحام الأكياس موديل 301 البلاستيك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : بسأل عن مكنة لحام إم تو باك 303 دي متاحة؟ وسعرها كام؟
مهندس منسي : 303 باستاند ولا من غير استاند؟
العميل : من غير استاند مش هتفرق هي هتتحط على حاجة
مهندس منسي : آه دي بـ .. استنى كده إحنا لغينا 303 وخليناها بقت هي 301
العميل : ماشي أوكيه هي نفس الفكرة يعني تطبع التاريخ ولحام؟
مهندس منسي : إن شاء الله
العميل : بكام دي بقى؟
مهندس منسي :
العميل : ودي متاحة عندكم
مهندس منسي : ال بـ 16 يعني عامله 3800
العميل : تمام… متاحة عندكم؟
مهندس منسي : آه متاحة بضاعة حاضرة
العميل : تمام… معلش سؤال تاني، لو بالاستاند تختلف في السعر كام؟
مهندس منسي : بتزيد 100 ، 50 تقريباً
العميل : أياً كان من 50-100 تقريباً، دي بتعمل لحام عريض صح؟
مهندس منسي : 50 بس، آه لحام عريض 1.5سم
العميل : منقوش؟
مهندس منسي : منقوش آه، لو عايزه سادة عادي نخليهولك سادة براحتك، هي جايه أوردي منقوشة، أما إنت لو عايزها سادة بنغيرلك البكرة
العميل : هوه أنهوه أحسن؟
مهندس منسي : لأ مش عملية الأحسن، هوه العميل بيطلب حاجات شكل بتاع بره، لو إنت غيرتله اللحام يقولك لأ ده مش زي بتاع بره، أنا عايزه بتاع بره، إحنا عندنا عقدة ببتاع بره
العميل : لأ أنا محلي مش بتاع بره
مهندس منسي : لأ ده هوه المشكلة في حاجة كمان، ده إنت تروح مثلاً معرض النهاردة يقولك المواتير أولد ألماني، طب يا عم ما أولد ألماني يعني ألمانيا مصنعاها في الصين، يقولك آه ما هو أنا عارف إنها مصنعاها في الصين، طب ليه إنت ما تروحش تجيبها من الصين، يقولك لأ…
العميل : آه طبعاً، دي حاجة معروفة جداً عندنا هنا في مصر
مهندس منسي : مش عارف…
العميل : حتى لو طلب أي حاجة بس بشكل ألماني أوكيه زي الفل، بس صيني ما ينفعش، ما عليهاش ما ينفعش
مهندس منسي : آه تقوله طب ليه إنت ما تجبهاش من الصين وتبقى إنت ماركة، يقولك يا عم لسه هبقى ماركة، أنا بقول للناس كده وخلاص
العميل : طب ممكن آجي أشوف المكنة بعيني فين؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : فين في حدائق القبة، والمواعيد
مهندس منسي : من الساعة 11-9
العميل : أجازة الجمعة؟
مهندس منسي : آه بنقفل الجمعة آه
العميل : طب مدينة نصر فين معلش؟
مهندس منسي : في مكرم عبيد قدام عمر أفندي
العميل : آه تمام، طيب دي موجودة في الناحيتين؟
مهندس منسي : آه في كل الفروع بتاعتنا هتلاقيها موجودة
العميل : معلش أنا آسف جداً على الإزعاج
مهندس منسي : لا ولا يهمك
العميل : معلش سؤال تاني، إنتم عندكم المكن بس والميزان يعني ولا عندكم مكن بس
مهندس منسي : عندنا مكن…
العميل : ميزان وكده، ولا مش عندكم؟
مهندس منسي : ميزان إيه؟
العميل : ميزان وزن
مهندس منسي : لأ إحنا كنا بنجيب بس وقفناه
العميل : طب حاجة تانية، إنتم مكن ولا بتطبعوا برده في الطباعة؟
مهندس منسي : بنطبع آه
العميل : تمام ..
مهندس منسي : آه بنطبع آه بأحدث أنواع الطباعة اللي هي الروتوجرافيك
العميل : أنا عايز أطبع أكياس رز نفس سكر الضحى والكلام دي نفس الماتريال الطبقتين دي
مهندس منسي : ما هي ديت الطباعة الروتوجرافيك
العميل : تمام.. ممكن آخد فكرة عن الأسعار؟
مهندس منسي : ما هو الأسعار بتتحدد بناء على الديزاين وبناء على الخامة اللي إنت هتختارها والكمية اللي إنت هتطلبها
العميل : هوه أقل كمية أد إيه؟
مهندس منسي : ربع طن
العميل : طب ماشي رينج الأسعار يعني مثلاً الكيلو بكام…
مهندس منسي : يعني في حدود
العميل : × 16….
مهندس منسي : لا دي × 18
العميل : اشمعنى بقى؟؟؟
مهندس منسي : لأن دكهم بضاعة حاضرة، إنما ده كستومايز إعدادات خاصة
العميل : يعني 90 جنيه الكيلو
مهندس منسي : آه
العميل : أوفر قوي
مهندس منسي : آه أوفر دلوقتي آه عشان خاطر انهيار الجنيه
العميل : أوفر جداً، طب بالتأكيد هاجي لحضرتك بكره إن شاء الله ممكن آجي لحضرتك بكرة في مكرم عبيد
مهندس منسي : ماشي يا غالي
العميل : خلاص ماشي أوكيه يا فندم، مين معايا يا فندم؟
مهندس منسي : معاك المهندس منسي
العميل : أوكيه يا باش مهندس، خلاص، شكراً، مع السلامة
