مكنة لحام ورق التعقيم من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: من فضلتك أنا عايز مكنة تغليف ورق تعيين، أو مكنة لحام تعيين، الورق بتاع التعيين

المهندس منسي: تعيين؟؟

العميل: تعقيم الورق بتاع التعقيم

المهندس منسي: آه… مكنة لحام ورق التعقيم، ورق على بولي آميد، ولا ورق على بولي إيثيلين؟

العميل: أنا معرفش يعني إيه؟

المهندس منسي: طب حضرتك ممكن تبعتلنا الكيس

العميل: أبعتلك كيس؟

المهندس منسي: آه…هوه متوفر في السوق الأكياس بتاعت التعقيم، الورق بتاع التعقيم

العميل: ما هو هيبقى صعب عليا إن أنا أنزل أشوف في السوق عشان أشوف…إنت عندك مكن طيب ولا ما عندكش؟

المهندس منسي: آه إن شاء الله والله عندي

العميل: ربنا يبارلك يا رب، طب سعرها كام المكنة دي لو سمحت؟

المهندس منسي: اللي عندي مكنة بـ 1700 مكنة لحام إنتاجية، يعني حضرتك ترميلها الكيس وهي تلحمه وتاخده الناحية التانية

أكياس بس هوه بيبقى رول أصله

المهندس منسي: آه….بيبقى رول ملفوف كده مثلاً 100 متر ولا حاجة، خدت بال حضرتك، وإحنا بناخد منه اللي إحنا عايزينه

المهندس منسي: هوه إنت لاقيتها على السايد بتاعنا؟

العميل: أنا والله بقالي نص ساعة عمال أدور في السايد بتاعكم، لحد ما لقيت رقم التليفون، فطبعاً في شكل زيها بالضبط خدت بالك، في نوع أنا شفته هوه ده اللي عاجبني، بس مش عارف ده خط إنتاج، بتنتج ولا لأ ، معرفش بقى ده حاجة خاصة بإنتاج أكياس تعبئة حاجة تانية ولا إيه بالضبط….

المهندس منسي: صورة المكنة اللي حضرتك عايزها

العميل: آه عندي الصورة آه

المهندس منسي: طب أستسمحك تبعتهالي على الواتس أو على الإيميل

العميل: عنيا حاضر أبعتهالك حاضر

المهندس منسي: تسلم عنيك

العميل: حاضر هطلعها لك وأبعتها لك حاضر، هو فين مكانكم يا فندم؟

المهندس منسي: إحنا عندنا حدائق القبة، مدينة نصر، باب الشعرية

العميل: فين في مدينة نصر؟

المهندس منسي: في مكرم عبيد

العميل: أول مكرم عبيد ولا من فوق….

المهندس منسي: في مكرم عبيد عند عمر أفندي

العميل: شكراً يا حبيب قلبي، مرسي يا فندم، مرسي، مع السلامة