مكنه الشرينك السير من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : حضرتك عندك مكنة شرينك؟

المهندس منسي : عندنا آه

العميل : مكنة الشرينك السير مش البلدي

المهندس منسي : عندنا آه

العميل : بكام حضرتك؟

المهندس منسي : بـ ، أنا بكلم بال بس عشان خاطر يبقى في معيار نمشي عليه، إنما إنت تقدر تضرب × سعر ال وتشوف سعرها كام

العميل : حضرتك أنا هدفع بالمصري

المهندس منسي : في حدود 5000 جنيه

العميل : دي اللي هي حجمها أد إيه؟

المهندس منسي : ما هو أنا هاخد منك بالمصري، أنا ما أقدرش أقولك لا هاخد بال، ما ينفعش

العميل : مقاسها كام؟

المهندس منسي : 133 طول × ارتفاع حوالي 65 × عرض حوالي 60

العميل : لا يا باشا من جوه الشغل اللي هيمشي جواها

المهندس منسي : الشغلانة نفسها 20 × 26 وأي طول إنت عايزه

العميل : تمام.. والـ 35 × 40؟

المهندس منسي : إنت عمال تسأل.. طب ما تيجي تتفرج على البضاعة أحسن؟

العميل : ما هو أنا هاجي أتفرج يا باشا 35 × 40…

المهندس منسي : لا… لا.. لا.. تعالى اتفرج أحسن، عشان خاطر أنا حاسس كده إنك عمال تسأل وبس

العميل : لا يا باشا أصل أنا…

المهندس منسي : وحد الله.. وحد الله

العميل : لا إله إلا الله

المهندس منسي : أصل إنت دلوقتي قاعد عمال بتتكلم علي الواتس ما هو إنت دلوقتي قاعد مستني اللي يتكلم أحسن، دي بضاعة ومنتجات صناعية وهندسية المفروض إنك تنزل تعاينها بنفسك وتشوفها بعينك، مش…

العميل : يا باشا هوه أنا أول مرة أشتغل معاكم

المهندس منسي : آه يعني إنت اشتغلت معانا قبل كده؟

العميل : آه يا باشا، هوه أنا هجيب رقم الواتس بتاع حضرتك منين، مش أول تعامل يعني

المهندس منسي : آه.. قولي كده بقى

العميل : حضرتك بس قولي المكنة بكام عشان أبعتلك الفلوس مع السواق ياخدها

المهندس منسي : آه.. آه.. ده لو بعت

العميل : طب أنا هاجي لحضرتك أنا في محمد علي جنب حضرتك وهجيلك دلوقتي

المهندس منسي : تعالى شرفنا و…

العميل : الـ 35 × 40 بكام؟

المهندس منسي : صدقني ما معيش سعرها، صدقني يعلم ربنا

العميل : تقريباً يعني، هي على الموقع بتاع حضرتك بـ 700

المهندس منسي : أيوه اضربه بقى × 12.5، طب ما أنت على الموقع بتاع حضرتي وشايف الدنيا كلها وعارف القرد مخبي ابنه فين أهوه، طب ما تخش بقى تشوف الدنيا فيها إيه…

العميل : يا باشا أنا عارف كل حاجة بس بتكلم مع حضرتك مش فاكرني يعني

المهندس منسي : لا والله مش فاكر يعني.. على العموم إنت لو زبون قديم بديلك خصم 5%، يا الله يا مرزق

العميل : يعني ال بـ 12.5…

المهندس منسي : آه… أنا بعتمده بـ 12.5، أنا مش زي البنك المركزي، البنك المركزي دلوقتي بيقول بـ 17

العميل : آه

المهندس منسي : أنا بقى بقول بـ 12.5، هي طقه في دماغي بقى إنه يبقى بـ 12.5

العميل : أنا ساءل حضرتك عشان كده

المهندس منسي : ليه بقى؟؟؟ عشان اشتريت البضاعة دي بـ 12.5، غباوة مني بقى ببيعها بـ 12.5 أعمل إيه؟؟؟!!!!

العميل : يعني 700 ده اللي على الموقع، ولا الموقع ده كلام أونطه؟

المهندس منسي : لا ما فيش عندي كلام أونطه أبداً، ولا كلمة تلاقيني برفعها إلا بالحق بتاع ربنا

العميل : خلاص 700 × 12.5…

المهندس منسي : بدليل حاجة، بدليل إن ال النهاردة بـ 18 وأنا ببيع بـ 12.5

العميل : يبقى تمنها 750 يعني

المهندس منسي : أيوه زي ما إنت ضربتها كده

العميل : هجيلك.. إنت فاتح لحد الساعة كام النهاردة؟

المهندس منسي : أنا هبعتلك بقى تليفون وواتس المبيعات عيش معاهم بقى

العميل : هتبعت تليفون وواتس المبيعات دلوقتي؟

المهندس منسي : آه

العميل : طب ابعتهولي وأنا هكلم حد وهبعت السواق بتاعي ياخد الشغل طيب

المهندس منسي : ماشي يا برنس، والله كنت أتمنى إنك تشرفنا بالزيارة عشان نشوف الوجه الجميل واخد بالك، وتتعرف بس على الحاجات بتاعنا بالمرة

العميل : إنت عندك سلوفان حراري

المهندس منسي : عندي آه

العميل : متاليز؟

المهندس منسي : عندي متاليز آه

العميل : بكام الطن؟

المهندس منسي : يعني يعمله في حدود

العميل : الطن؟

المهندس منسي : آه

العميل : لا أنا بتكلم على المتاليز اللي هوه الدهبي اللي بيتلصق على الكرتون

المهندس منسي : بص صلي على النبي إنت ممكن…

العميل : حضرتك تقريباً بتقول على سعر حاجة تاني

المهندس منسي : لا ما هو أنا بتكلم على المتاليزات عموماً، بص هقولك حاجة، إحنا عندنا مخزن في 6 أكتوبر معايا

العميل : في الحراري أنا بتعامل مع شركة بويل لو تعرفها

المهندس منسي : أنا مليش دعوة إنت بتتعامل مع مين، أنا بكلمك عن نفسي، أنا دلوقتي عندي مخزن مليان بضاعة، في أكتر من 250 طن متاليزات على ألومنيات، فأنت ممكن تروح تشرفنا الزيارة تتفرج عليها البضاعة اللي تعجبك هتلاقي سعرها عليها، هتشيلها وتمشي

العميل : خلاص أوكيه

المهندس منسي : ماشي يا باشا

العميل : ماشي يا باشا اتشرفت معرفتك موجودة في مخزن باب الشعرية؟

المهندس منسي : لأ ما هو أنا بقولك بقى عشان تتفرج على الطبيعة ليه؟؟ لأنه إنت النهاردة بتتكلم في كمية بضاعة كتيرة هتلاقيها هناك أشكال وألوان وأنواع، إنما في باب الشعرية هتلاقي عينات، أنا بقولك تروح…

العميل : أيوه أنا عايز أشوف العينة آمين، يبقى نسعر عليها ونشتري

المهندس منسي : صدقني لما تروح تشوف من الاستوك أحسن

العميل : خلاص ماشي يا باشا

المهندس منسي : ماشي يا غالي

العميل : تشرفت بمعاليك

المهندس منسي : مع السلامة

العميل : مع السلامة