مكنه تعبئة اكياس جل نص اتوماتيك من شركة المهندس منسي
العميل : السلام عليكم
المهندس منسي : وعليكم السلام ورحمة الله وبركاته .
العميل : شركة المهندس منسي ؟
المهندس منسي : ايوه .
العميل : معاك المهندس بيتر من شركة مستحضرات التجميل .
المهندس منسي : اهلا وسهلا .
العميل : كنا عايزين نسأل على مكنة نشوفها موجودة عندكم ولا لا ؟
المهندس منسي : اه .
العميل : كنا عايزين مكنة بتاعة اكياس الجيل اللى هى بيكون ليها غطاء ياباش مهندس اللى هى عاملة زى الهيركود ؟
المهندس منسي : اه عندنا النص اوتوماتيك بتاعتها .
العميل : النص اوتوماتيك بتاعتها النص اوتوماتيك ديه معناها ايه ياباش مهندس بالظبط ؟
المهندس منسي : النص اوتوماتكي ديه معناها ان حضرتك تديها الكيس تعبي الكيس وبعد ما تعبي الكيس يعنى تاخد الكيس فيه البزبوظ نفسه وبعد كده يتأخد من وراه فى سير كده من وراه تحطه عليه يقفلهولك .
العميل : اه بعد مش فاهم .
المهندس منسي : يعنى احنا بنفصلك الاكياس .
العميل : اه اه
المهندس منسي : وبنطلعهالك جاهزة بالبزبوظ .
العميل : تمام اه
المهندس منسي : ويبقي قدامنا طريقتين الطريقة الاولى انها تيجي بالبزبوظ والبزبوظ مقفول والطريقة ديه ان البزبوظ مقفول والمكان اللى هتعبئ فيه يكون من القاع من تحت .
العميل : من القاع مش من البزبوظ ؟
المهندس منسي : اه .اما الطريقة التانية بتجبها متقفله من الجناب ومن القاع وكل حاجة والبزبوظ بتوعها لوحدها ، يعنى الاكياس لوحدها والبزبوظ بتوعها لوحدها .
العميل : اه اه تمام ماشى اوكى .
المهندس منسي : انت عايز كده ولا عايز كده ولا انت عايز مكنة اوتوماتيك اوردى احنا عندنا مكنة اوتوماتيك اللى بيصنع الاكياس وبيزود البزبوظ .
العميل : تمام اوكى .
المهندس منسي : احنا نعمل ايه نبدا نصنعلك ونعملك البزبوظ طلبية خاصة .
العميل : تمام اوكيه .
المهندس منسي : بس .
العميل : طب هى انواع المكن اللى عندك تصنيع مصرى ولا تقفيل بره ؟
المهندس منسي : احنا بقي ياسيدى ولا اتخذنا الطريق ده ولا الطريق ده .
العميل : تمام
المهندس منسي : احنا كنا المفروض رايحين الصين عشان نستورد من هناك .
العميل : تمام اوكيه .
المهندس منسي : لاقينا المكن اللى هناك اللى هيؤام فلوسنا مينفعش معانا خالص مينفعش يحمل الاسم بتاعنا علشان ضميرنا الصناعى مينفعش انزل بمكن زى ده .
العميل : تمام .
المهندس منسي : فبدأنا نعمل ايه بقي عملنا تصميمات لقطع الغيار وعملنا التصميمات ديه وعملنا رسومات وتمصميات للمكن كامل وعملنا قطع الغيار بره وجمعناها هنا
العميل : اه اه
المهندس منسي : فالحمدلله بعد مرور الايام بقينا ماركة ومش بقينا ماركة مصرية بقينا ماركة عالمية .
العميل : الحمدلله الحمدلله .
المهندس منسي : يعنى دلوقتى بقينا بنعرض فى الصين وبنافس الصينين .
العميل : اه اه .
المهندس منسي : فالنهاردة اللى يعرض فى الصين ويتنافس مع الصينين ده تبقي شركة شركة قوية جدا تقدر تعرض واللى يعرض لازم تكون جودته عالية الا السوق هيلفظه .
العميل : اكيد اكيد ياباش مهندس .
المهندس منسي : اه
العميل : طب المكن عندك ممكن نبص عليها ولا ديه صعب ؟
المهندس منسي : عندى انهى مكنة فيهم اللى هى الاوتوماتيك ولا النص .
العميل : اه النص اوتوماتيك .
المهندس منسي : ولو عايز نجيب عينات ونعملك تجارب وانت واقف تجيب عينات ونجرب .
العميل : تمام تمام .
المهندس منسي : هات عينات واعملك تجارب وانت واقف
العميل : عينات من ايه بالظبط ؟
المهندس منسي : عينات من الكيس بتاعك
العميل : احنا لسه مدخلناش فى الكيس
المهندس منسي : لسه معملتوش ؟
العميل : لا لسه احنا مدخلناش احنا قولنا نعمل المكن الاول ونظبطه لانه الاهم من الكيس
المهندس منسي : لا عادى عادى
العميل : المكن هو الاساس والكيس سهل يتعمل
المهندس منسي : اصل انا هقول لحضرتك حاجة احنا مش تجار انا مش تاجر انا مهندس وخبير دولى
العميل : اه ما انا عارف .
المهندس منسي : فانهاردة لو مكنتش الحالة اقعد قدامها واقعد احللها يبقي مينفعش
العميل : اه اها
المهندس منسي : فهمتنى ازاى ؟
العميل : اه اه
المهندس منسي : يعنى لو انهاردة سالتنى عندك الماكنة ، اقولك لا معنديش ده انا عندى ماكنة حلوة اوى واقعد ابعلك كلام واقولك اى كلام فى اى كلام متين كلمة فى الدقيقة مينفعش ده مش الكلاس بتاعى انا راجل مهندس خبير دولى فاعشق اولى للمشكلة افرح اوى لما تيجي ليا مشكلة صناعية واحزن اوى لما تيجي ليا مشكلة اجتماعية .
العميل : اه يا مهندس ما انا مهندس عشان كده انا فاهم
المهندس منسي : اه ، المشكلة الصناعية افرح بيها عاملة بالظبط زى ما كنا اطفال نعقد كده فى ساعات البتاعة بتاعة المكعبات ديه نعقد نعملها
العميل : اه اها اها
المهندس منسي : فكنا نفرح اوى لما نلها
العميل : اه
المهندس منسي : فهو كده فانا بفرح وبعشقلها تيجى ليا مشكلة واعقد احلها
العميل : خلاص احنا نيجي نشرب الشاى مع حضرتك
المهندس منسي : انتي تيجى تنورنا
العميل : طب ممكن العنوان بتاعك من فضلك ؟
المهندس منسي : احنا عندنا حدائق القبة ، بابا الشعرية ، مدينة نصر ، 6 اكتوبر . ، العبور
العميل : حضرتك هتكون منواجد فين ؟
المهندس منسي : انا بكون موجود كل الايام فى باب الشعرية ماعدا السبت والثلاثاء بكون موجود فى مدينة نصر.
العميل : اه .
المهندس منسي : تمام اما الفروع الثانية بروح زيارات ساعة او ساعتين كده وامشي .
العميل : المكان اللى انت موجود فيه باب الشعرية معنديش مشاكل مفيش مشكلة ابص على البضاعة واقابل حضرتك .
المهندس منسي : تيجي تنورنى .
العميل : طب ابعتلي العنوان بتاعك ؟
المهندس منسي : هبعتهولك حالا فى رسالة .
العميل : تمام طب لغاية السهعة كام ؟
المهندس منسي : لغاية 9 انا اوقات بقعد ل 11 بس انت عارف لو قولت 11 بلاقي ناس بتيجى 10ونص فبقولك لغاية 9 .
العميل : لا تمام تمام انا ممكن اجى لحضرتك انهاردة .
المهندس منسي : طب تمام ان شاء الله .
العميل : سلام
المهندس منسي : سلام
