مكنه اللحام اليدوي موديل 301 ماركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : أ/ مصطفى مع حضرتك مين معايا
المهندس منسي : المهندس منسي معاك
العميل : آه أهلاً وسهلاً يا فندم.. طب أنا كنت كلمت علي الواتس من حوالي كام يوم كده رد عليا أ/ مصطفى وقالي على أسعار حاجات كده، ففي واحد هيجي لحضرتك النهاردة هوه سعودي وعنده محلات عصير في السعودية
المهندس منسي : آه…
العميل : تمام، في إمكانية إن هوه يشحن من لحام
المهندس منسي : مافيش مشكلة
العميل : هوه عايز مكنة اللحام اليدوي
المهندس منسي : آه..
العميل : سعرها كام بقى لو سمحت
المهندس منسي : مكنة اللحام اليدوي بـ
العميل : نعم
المهندس منسي : بـ
العميل : .. تمام
المهندس منسي : يعني 2000 جنيه
العميل : تمام.. دي اللي هي اللحام اليدوي
المهندس منسي : آه
العميل : طيب، دي لحام بس
المهندس منسي : لأ دي اسمها حاجة اسمها لحام مستمر، لحام إنتاج، مش اللحام اللي إنت بتشوفها بتاعت المنازل دي
العميل : هوه بص حضرتك هوه عايز يعمل، هوه عايز مكنة اللي هي بتغلف كبايات زي كبايات العصير، اللهم صلي على سيدنا محمد، كبايات الزبادي بتاعت نستلة ودانون والحاجات دي، هوه عايز حاجة تغلف الكبايات بالطريقة دي
المهندس منسي : آه…
العميل : هوه عنده محلات عصير وعايز يعمل الخدمة دي عنده
المهندس منسي : آه.. آه.. دي مكنة تانية، طب أنا هبعتلك دلوقتي تليفوناتهم في رسالة حضرتك هتكلمهم ورتب معاهم
العميل : آه… هوه حضرتك مش في المكتب دلوقتي؟
المهندس منسي : أنا استشاري الشركة مش المبيعات
العميل : آه.. معلش والله أنا آسف والله يا فندم
المهندس منسي : العفو…
العميل : أصل هوه الرقم ده اللي إحنا لقيناه على النت
المهندس منسي : ما هوه قديم
العميل : آه…
المهندس منسي : يعني من سنتين تلاتة من قادرين نشيله
العميل : تمام ماشي يا فندم شكراً يا فندم مع السلامة
