مكن الفاكيوم حجرة واحدة من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: كيف حالك طيب إن شاء الله؟
المهندس منسي: الحمد لله
العميل: بسأل يا غالي على مكن الفاكيوم اللي عندكم، في شيء حجرة وشيء حجرتين ولا؟
المهندس منسي: إن شاء الله
العميل: الحجرة الواحدة كام طولها بالعرض؟
المهندس منسي: بتبقى 10 سم × 35 ، 30 تشيل لغاية 5 كيلو
العميل: طيب ما في عندكم هادي الطويلة ييجي ارتفاعها حوالي متر؟ أو 90؟
المهندس منسي: ارتفاع المكنة ولا ارتفاع إيه؟
العميل: المكنة ارتفاعها حوالي متر
المهندس منسي: حضرتك عايز تفكيوم عليها إيه؟
العميل: عاوز حضار وفواكه
المهندس منسي: الكيس نفسه عرضه كام اللي إنت عايز تغلفه؟
العميل: والله المقاسات تختلف، في شيء 15، في شيء 20، في شيء 25… يعني المقاسات مو واحدة
المهندس منسي: طيب الغرفة الواحدة والدبل روم اللي هوه غرفتين يشتغلوا عليها، أما اللي حضرتك بتتكلم عليها حاجة اسمها أفقية دي بتتعمل للأوزان الكبيرة ودي غالية على الفاضي
العميل: كام سعرها الغرفة الواحدة اللي عندكم؟
المهندس منسي: 600 أو مش فاكر، والغرفتين عامله
العميل: آه يعني الغرفة الواحدة بـ
المهندس منسي: في حدود من 500-600
العميل: طيب والكبيرة؟
المهندس منسي: ، الكبيرة بتشتغل أد 4 مكنات من الصغيرة
العميل: طيب والأكياس موجودة عندكم؟
المهندس منسي: إن شاء الله
العميل: يعني أنا قبل ما أنزل من السعودية بتأكد من التعامل عندكم، هادا آخر سعر عندكم؟
المهندس منسي: إحنا شركة عالمية مش واحد فاتح محل، يعني إحنا أسعارنا نهائية، شركة عالمية لينا فروع في بلاد كتير
العميل: أنا خابر، عليها ضمان صح ولا لأ؟
المهندس منسي: أكيد ضمان لمدة سنة ضد عيوب الصناعة، و 5 سنين توفير قطع الغيار… المكن ده عبارة عن تصميم شركتنا إحنا المهندس دارس في ألمانيا وعمل التصميمات دي وصنع التصميمات دي بره مصر وبعد كده جمعناها في مصر، إحنا ماركة عالمية
العميل: طيب وشو صناعته المكنة؟
المهندس منسي: ما هوه ينفع تروح تقول لشركة مرسيدس إيش صناعة السيارة؟؟؟؟!!! ما همه صنعوا السيارة في وات إيفر في البلد اللي هي تعجبهم، في الآخر…
العميل: أيه فاهم التركيب في مصر صح؟
المهندس منسي: أيوه جمعناها في مصر
العميل: طيب والصناعة صيني؟
المهندس منسي: لأ هوه الصناعة في عدة دول، في كل مرة بتختلف المصادر، بس في الآخر إحنا ماركة، براند
العميل: آه..
المهندس منسي: براند عالمي، إحنا براهن بقالنا دلوقتي أكتر من 11 ولا 12 سنة في السوق، بنراهن على ماتور واحد بس غيرناه، مافيش ولا ماتور غيرناه
العميل: طيب ما عندكم وكيل ولا حاجة بالسعودية صح؟
المهندس منسي: إحنا نعشم ذلك، نتمنى ذلك
العميل: والله إن شاء الله
المهندس منسي: رحنا عشان نفتح في السعودية لاقينا الإجراءات كتير صعبة
العميل: في السعودية؟
المهندس منسي: آه لقيت الإجراءات كتير صعبة
العميل: طيب يا الغالي، بالنسبة لو خدت من عندكم مكنة في شحن ولا لأ ما عندكم للسعودية؟
المهندس منسي: عادي أشحنلك مافيش مشكلة
العميل: كام تتكلف عليا الغرفتين مع الشحن؟
المهندس منسي: يعني هتتكلف في حدود 100 مش أكتر يعني
العميل: خلاص تمام… الأكياس ينفع أكتب عليهم ولا لأ؟
المهندس منسي: ينفع آه
العميل: تطبعون عليها؟
المهندس منسي: عادي يا باشا، نطبع لك عليها اللي حضرتك عايزه
العميل: خلاص أنا احتمال كبير آجي الأسبوع القادم أو أرسلكم واحد إن شاء الله
المهندس منسي: إنت تيجي تنورنا، ولكن لو حضرتك شرفتنا بالزيارة هتبقى العملية أفضل بكتير لسبب: لأن حضرتك هتتدرب على المكنة وتقف قدامها وتشوفها وهي شغالة، وبنجربلك الخامة بتاعتك، فهتفهم المكنة بتاعت أكتر، وتفهم سلاسة المكنة وسهولة أكتر
أما لو حضرتك بعت الواحد كل العملية بيروح جاي خد الفلوس وهات المكنة اشحنوها لي بالمرة، وعايز يقضي واجب وخلاص، في الآخر قدام سيادتك عايز يقول أنا عملتلك الواجب وخلاص
العميل: صح
المهندس منسي أما حضرتك بنلاحظ إن صاحب الحاجة لما بييجي وروني… فرجوني كده، لأ شغلوهالي بقى، وروهالي كده وهي شغالة، أيوه… طب شغالي على الخامة بتاعتي..
العميل: صح كلامك
المهندس منسي: فهمتني إزاي، فالدنيا بتبقى واضحة بصورة أفضل
العميل: على خير بإذن واحد أحد
المهندس منسي: إنت تيجي تنورنا
العميل: الله يسلمك بإذن واحد أحد إن شاء الله
المهندس منسي: إن شاء الله، أنا اتشرفت بيك
العميل: يعطيك العافية، شكراً لك، هلا بيك، حياك الله
المهندس منسي: مع السلامة
