مكن تعبئة السوائل اللزجة من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: من فضلك أ/ منسي كنت بسأل بخصوص المكن تغليف السوائل
المهندس منسي: آه
العميل: كنت عايز أعرف الكاملة أتوماتيك بتعمل كام؟
المهندس منسي: إنت عايز تعبي سوائل عبارة عن إيه؟
العميل: أكياس جيل، زيت صابون.. الكلام ده
المهندس منسي: ما هوه يهمني الكثافة أعلى كثافة إنت هتشتغل بيها إيه؟
العميل: كثافة من حيث إيه طيب؟
المهندس منسي: من حيث اللزوجة، اللزوجة إزاي؟؟؟
العميل: لا اللزوجة عالية، أنا طالب حاجة حديثة
المهندس منسي: ما هي العملية مش عملية حديثة أو مش حديثة، اللزوجة مالهاش دعوة بالحداثة معايا
يعني في مكنة تصلح لتعبئة الطحينة والكاتشب… والحاجات دي، ونفس المكنة تعبي معانا الشامبو، والزيت، والمياه… والحاجات الخفيفة…. طيب المكنة بقى اللي تعبي الشامبو ينفع تعبي العسل مثلاً؟؟؟ لا ما تنفعش
العميل: أكيد لأ آه
المهندس منسي: دي مالها بقى ومال الحداثة؟؟!!!
العميل: آه… فهمتك كده
المهندس منسي: الحداثة في إنك تاخد مكنة حديثة تلائم الشعب المصري، اللي يعملها المصمم مصري، ليه بقى؟؟؟ لأنه المصمم لما يكون مصري يقوم يعمل إيه؟؟ يقوم يراعي في دماغه وهوه بيرسم الحاجة عدد من البنود، أهمها ثقافة العميل عامله إيه؟؟؟ العميل ما عندوش فكرة عن المكن خالص
فهنا النهاردة إحنا بنصمم المكن بتاعنا بإيدنا وبعد كده بنصنع قطع غياره بره مصر، وبعد كده بنجمعه
العميل: إنت حضرتك هنا ولا هناك في الصين
المهندس منسي: ما هوه إحنا هقول لحضرتك، إحنا ماركة، براند، الماركة الوحيدة اللي موجودة دلوقتي، يعني إحنا زينا زي مثلاً شيفرليه، زي مرسيدس
العميل: ربنا يوسع عليك
المهندس منسي: بنعمل إيه؟؟؟ بنصمم المكن بتاعنا ونصنعه بره مصر وبعدين بنجمعه
العميل: تمام.. ماشي طب أنا دلوقتي بخصوص اللي أنا سألتك عليها المكنة دي هي تقريباً تعمل في حدود كام
المهندس منسي: في حدود الأتوماتيك الكاملة
العميل: ماشي يا باشا… إنت المقر بتاعك في بالضبط طيب
المهندس منسي: إحنا عندنا عدد من الفروع
العميل: فين؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: تمام
المهندس منسي: ماشي يا غالي
العميل: ماشي يا باشا… كده أنا أجيلك الزاوية إن شاء الله
المهندس منسي: ما هوه عندنا عدد من الفروع
العميل: أنا خليني في باب الشعرية عشان أنا ساكن في مصر الجديدة
المهندس منسي: آه.. ماشي
العميل: خلاص
المهندس منسي: ماشي يا غالي
العميل: ماشي يا باشا، تسلم يا باشا… السلام عليكم
المهندس منسي: عليكم السلام ورحمة الله وبركاته
