مكينة لحام غطاء زجاجة الزيت من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : من فضلك أنا كنت عايز أعبي زيت، ففي مكنة اللي هي بتقفل الغطا؟

مهندس منسي : آه في آه

العميل : بكام حضرتك؟ وصناعتها مصري ولا صيني؟

مهندس منسي : إنت عايز تقفل غطا إيه شكله؟

العميل : غطا إزازة الزيت

مهندس منسي : آه.. حضرتك بس بعد إذنك شرفنا بالزيارة وهات معاك علبة وغطا عشان الغطيان أنواعها كتير جداً، صعب إن أنا أتكهن بالحاجة اللي في إيدك وأقولك أي حاجة × أي حاجة كده

العميل : لا أنا بتكلم بشكل عامة، أنا لسه ما اخترتش غطا وزيت، إنت بتقولي في أنواع كتير جداً، كل نوع بقى ليه مكنة ولا إيه يعني؟

مهندس منسي : آه.. كل نوع وله مكنة آه

العميل : أصل أنا ممكن أختار المكنة اللي الأول وبعد كده أحدد عليها النوع، مش ده ينفع ولا إيه؟

مهندس منسي : لأ ده غلط… إنت بتختار الشكل اللي إنت هيتباع معاك الأول وبعد كده نبدأ إحنا نساعدك في إنه يتعمل

العميل : طب الأسعار بتبدأ من كام يا باش مهندس؟

مهندس منسي : من

العميل : بحولها مصري طبعاً

مهندس منسي : آه.. آه… إحنا بندي عموماً في الوقت الحالي 15% على ال لو إنت وردت بال بنديلك في حدود 10%

العميل : لأ أنا أكيد هدفع بالمصري

مهندس منسي : عادي مش مشكلة، هتضرب × ال وتخصم الـ 10%

العميل : يعني ال مثلاً أحسبه بكام كده؟

مهندس منسي : في حدود 16 جنيه

العميل : تمام.. خلاص ماشي، يعني أنا المفروض أختار الأزايز الأول والغطيان بتاعها وبعد كده أقول لحضرتك

مهندس منسي : إن شاء الله

العميل : طب في حاجة موجودة عندك ولا دي أجيبها من بره

مهندس منسي : آه في موجود

العميل : طب يعني آجي المعرض أتفرج عليه وأعرف الأسعار وكده؟

مهندس منسي : إن شاء الله، وفي عندنا برده اسطمبات عبوات بلاستيك لو احتاجت اسطمبات

العميل : آه.. أنا أكيد هحتاج إن شاء الله

مهندس منسي : ماشي

العميل : طيب المعرض اللي فيه الحاجات ديت موجود فين؟

مهندس منسي : إحنا عندنا حدائق القبة، مدينة نصر، باب الشعرية

العميل : في محطة مترو قريب لأي واحد منهم

مهندس منسي : آه… هوه في محطة قريبة كوبري القبة وغمرة، وفي محطة مترو باب الشعرية

العميل : آه يعني الفرعين دول ليهم محطة مترو يعني

مهندس منسي : آه..

العميل : خلاص ماشي يا باش مهندس…

مهندس منسي : خش اكتب على اللوكيشن أو على الجوجل لاب، عناوين شركة المهندس منسي، هتلاقي عدد من العناوين فإنت تروح كاتب نير ذا مترو، يعني أقرب حاجة للمترو

العميل : طب هوه يا باش مهندس كل حاجة تعبئة الزيت يعتبر موجودة عند حضرتك متاحة، ولا في حاجة هتبقى مش موجودة بحيث إن أنا أدور عليها في مكان تاني؟

مهندس منسي : لا إن شاء الله هتلاقيها كلها متاحة، عندنا مكنة التعبئة ومكنة الليبول…

العميل : أنا عشان أكون واضح مع حضرتك أنا في البداية هعبي يدوي…

مهندس منسي : يا راجل إيه تعبي يدوي دي… يا راجل ده حتى شكلها من ظريف، ده المكنة كلها…

العميل : المكنة هتتكلف أنا عارف

مهندس منسي : يا عم تتكلف إيه؟؟ دي بـ، ده إحنا عندنا مكنة من أول

العميل : مكنة تعبئة بـ

مهندس منسي : آه… إنما يدوي.. يا راجل.. لا.. لا….

العميل : أنا كنت ناوي أعمل كده بصراحة في البداية عشان….

مهندس منسي : حتى لو جالك مفتش تموين ولا مش عارف إيه شافك بتعبي بمكنة… يعني لو إنت غلط على الأقل هيخلي في عينه حصوايه ملح شويه، هيقولك ده مصنع وبيبدأ، إنما واحد من أولها شغال بحنفيه، لأ من أولها كده… لا يا راجل.. لا.. لا… أنا شايف على الأقل يبقى مكنة 2 ـ 3 كده شغال بيهم

العميل : آه… طب بالنسبة للتنك والحاجات ديت دي برده موجودة عندك؟

مهندس منسي : أصل التنك النهاردة ما هوه إنت هتجيبه تنك بلاستيك أكيد يعني

العميل : آه بالضبط

مهندس منسي : ده ملقح عند بتوع البراميل، أكتر من الهم على القلب

العميل : طب ده بيبقى…..