ورق تغليف عبوات البيبسي من شركة المهندس منسي
العميل: سلام عليكم.
المهندس منسي: وعليكم السلام ورحمه الله وبركاته.
العميل: شركة المهندس لمواد التعبئة والتغليف؟
المهندس منسي: أيوه.
العميل: لو سمحت حضرتك بتصنع عندك ورق البيبسي؟
المهندس منسي: ورق البيبسي آه.
العميل: طب إحنا كنا عايزين نعمل أوردر بـ5 طن، نعمل إيه الكيفية إيه بقى؟
المهندس منسي: ماشي تحت الأمر.
العميل: طب هوه الطن بكام تصنيع الأوردرات؟
المهندس منسي: هوه مطبوع ولا سادة.
العميل: سادة فاضي.
المهندس منسي: يبقى في حدود 28 ، 32 كده.
العميل: طب تبع المواصفات اللي إحنا عايزنا، العرض في الحاجة دي كلها.
المهندس منسي: آه.
العميل: خلاص أوكيه، أنا هرجع لحضرتك تاني، مينفعش تديني السعر تفصيلي.
المهندس منسي: أشوف التكنيك اللي حضرتك عايزه إيه؟
العميل: إيه؟
المهندس منسي: التكنيك… السماكة.
العميل: ممكن أديهالك دلوقتي وإنت معايا على الواتس.
المهندس منسي: هوه إنت مطبعة ولا إيه؟
العميل: لا حضرتك أنا بخده إديه لحد بره.
المهندس منسي: بره مصر؟
العميل: آه…بالنسبة لمفيش استوكات بتيجي دلوقتي والدنيا واقفة فالناس مستعجلين على أوردر يعني.
المهندس منسي: آه.. لا تحت أمرك.
العميل: ثانية واحدة…. أيوه يا باشا.
المهندس منسي: أيوه يا غالي.
العميل: هوه أنا عايز سماكة البولستير 12 ميكرون.
المهندس منسي: آه.
العميل: سماكة الألومنيوم يا 12 يعني 9 ميكرون.
المهندس منسي: آه.
العميل: وطبعاً سماكة البولي إيثيلين 100 ميكرون.
المهندس منسي: ماشي ده موجود ما تقلقش.
العميل: طيب عرض البكر عايزينه 37 سم.
المهندس منسي: ماشي حاضر.
العميل: طيب.. ده يبقى كام الطن؟
المهندس منسي: هيبقى بـ 29 جنيه الكيلو.
العميل: مش أقل من كده.
المهندس منسي: ما هوه المواصفات اللي حضرتك عايزها، إنت عايز بليستر ألومنيوم بولي إثيلين، عايز أقل من كده فين بقى، هيبقى صعب قوي أقل من كده.
العميل: يعني بأي طريقة من الطرق مش هينفع يبقى أقل من كده؟
المهندس منسي: لا بأي طريقة ممكن بقى نغير المواصفة.
العميل: تبقى إيه مثلاً المواصفة؟
المهندس منسي: تبقى مثلاً بولي استر ماتاليز بولي إيثيلين.
العميل: آه.. ماتاليز لا أنا عايزه ألومنيوم.
المهندس منسي: ماشي يا باشا.
العميل: لو كده يبقى بـ 29.
المهندس منسي: إن شاء الله.
العميل: هوه إنت حضرتك بتعمل ماتاليز برده؟
المهندس منسي: مش بنعمل إحنا كلنا بنستورد إحنا على بعضه.
العميل: والبست؟
المهندس منسي: ما هو نفس العملية، إحنا بنصنع البولي إيثيلين هنا وبنلنشنه على الألمونيوم بولي إيثيلين.
المهندس منسي: العميل: آه.. إنت بتتكلم على البولي إستر بقى.
لا البولي إيثيلين.
العميل: البولي إيثيلين وبتلنشنه على البولي إيثيلين ولا على البولي إستر؟
المهندس منسي: لا بنلنشنه على البولي إستر ألومنيوم.
العميل:أيوه.. أيوه…خلاص أنا هرجع لحضرتك، مين معايا يا فندم الاسم؟
المهندس منسي: المهندس منسي.
العميل: المهندس منسي.. ماشي، شكراً، إنتم مكانكم فين حضرتك.
المهندس منسي: إحنا ورا رئاسة حي باب الشعرية.
العميل: حي باب الشعرية.
المهندس منسي: ورا رئاسة حي باب الشعرية.
العميل: فين حضرتك ورا رئاسة حي باب الشعرية.
المهندس منسي: هبعتلك العنوان في رسالة حالاً.
العميل: أنا جنبك، قولي حضرتك فين بالضبط كده بالبق يعني.
المهندس منسي: لا أنا هبعتهولك في رسالة، أصل هأقعد ألف هاوصف كتير قوي، أنا هبعتهولك في رسالة.
العميل: لا أنا من باب الشعرية، أنا بكلمك دلوقتي من عند ميدان باب الشعرية، وأنا من باب الشعرية، يعني بكلمك من 75 شارع الجيش.
المهندس منسي: آه… عارف شارع المنسي.
العميل: عارف شارع المنسي من ورا.
المهندس منسي: عارف مقام سيدي المنسي؟
العميل: آه عارف مقام سيدي المنسي.
المهندس منسي: أنا قدام المقام.
العميل: قدام المقام؟
المهندس منسي: آه.
العميل: في عمارة جديدة كده هي بتهيقلي، قدام المقام
المهندس منسي: آه.. هناك كده آه.
العميل: خلاص أوكيه أنا هاجي لحضرتك وأكلمك.
المهندس منسي: ماشي… مع السلامة.
العميل: سلام عليكم.
