ورق فويل لتغليف الشوكولاته من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة إم تو باك

المهندس منسي : أيوه

العميل : أهلاً بحضرتك

المهندس منسي : الله يخليك

العميل : مع حضرتك سيد الصعيدي يا فندم من مدينة دسوق

المهندس منسي : أهلاً وسهلاً

العميل : كنت بسأل على الفويل اللي بيلف شيكولاته، اللي هوه يركب على مكن تغليف الشيكولاته

المهندس منسي : آه

العميل : اللي في منه بيبقى ورق شبه الورق اللي بنجبها من بره فويل

المهندس منسي : هوه اللي عندنا الفويل نفسه نت، يعني قبل التشكيل وقبل الطباعة وقبل كل حاجة، لو عايزنا نطبعهولك نطبعهولك

العميل : يعني حضرتك بتوديه مطبعة تانية بس حضرتك ما عندكش الطباعة؟

المهندس منسي : لأ ما هو بقولك لو عايزه أطبعهولك أطبعهولك، نقدر نطبعولك يعني

العميل : طب الطباعة أنا بختار العنوان اللي بيتحط على الفويل نفسه؟

المهندس منسي : آه…

العميل : ولا الاسم بس؟

المهندس منسي : تقدر تعمل كل اللي في بالك، يعني تطبع اسمك، ولو عايز تطبع اللون… براحتك

العميل : طب إنتم عندكم مكن تغليف أصلاً كمان غير الفويل وكده؟

المهندس منسي : تغليف إيه؟

العميل : شيكولاته، شيكولاته قطع صغيرة اللي هي مقاس 4 × 4، 5 × 2 اللي هي الصغيرة

المهندس منسي : آه إحنا نقدر نوردهالك، إحنا عندنا 40 مكنة بيحملوا اسمنا دول موجودين بضاعة حاضرة، بالنسبة للشيكولاته حضرتك هتيجي تشرفنا وتتفرج على الـ 40 مكنة اللي إحنا عملناهم، طيب لو ما لقتهومش حضرتك بتوصينا بيهم وإحنا بنصنعهالك أو نوردهالك

العميل : طيب هوه المكان.. المعرض فين اللي نتفرج فيه؟

المهندس منسي : إحنا عندنا غمرة، حدائق القبة، مدينة نصر، باب الشعرية

العميل : هوه أنا من دسوق، يعني أقرب حاجة بالنسبة لي، أقرب حاجة من عبود إيه؟

المهندس منسي : باب الشعرية، هبعتهولك في رسالة حالاً

العميل : تبعتلي العنوان؟

المهندس منسي : آه في رسالة حالاً

العميل : ماشي يا باش مهندس طب أسجل الاسم إيه ؟

المهندس منسي : شركة المهندس منسي

العميل : ماشي يا باش مهندس هوه أنا جايب الرقم ده من على الموقع

المهندس منسي : وهتلاقي في الرسالة جايلك 3 تليفونات مبيعات همه دول اللي هتتابع معاهم

العميل : طيب ماشي يا باش مهندس