شبك برطمان المخلل من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة إم تو باك
المهندس منسي : أيوه
العميل : لو سمحت كنت عايز أستفسر عن الشبك اللي بيتحط في قلب البرطمان من جوه ألاقي عند حضرتك منه؟
المهندس منسي: الشبك اللي بيتحط في البرطمان؟
العميل : آه
المهندس منسي : آه ده بنصنعه بالطلب إنت عايز كمية أد إيه؟
العميل : يعني هنعوز كميات بس الباش مهندس قالي وأنا بصيت على النت كده فشفت شركة حضرتكم فقلت أستفسر عند حضرتك يعني
المهندس منسي : آه.. الشبكة اللي بتتحط في برطمان المخلل؟
العميل : آه بالضبط
المهندس منسي : آه عشان خاطر المخلل ما يعمش فوق
العميل : بالضبط كده يا فندم
المهندس منسي : آه… ده بنعمله بالطلب
العميل : طب أقل كمية ممكنة أو الأوردر بيبدأ بكام؟
المهندس منسي : لأ مش عملية الأوردر بنصنع الاسطمبة الأول لحسابكم، وبعد كده بنبدأ بقى ننفذ الكمية اللي إنتم عايزنها
العميل :تمام.. أنا هدي لحضرتك الباش مهندس صاحب الشركة وهخليه يكلم حضرتك..ماشي يا فندم شكراً، مع السلامة
