خامات الشرينك المطبوعه بجميع أنواعها من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : لو سمحت عايز أسأل على الشرينكات، أقل كمية ممكن تعمل أد إيه، وسعرها أد إيه؟
مهندس منسي : حضرتك عايز شرينكات خامات يعني؟
العميل : آه البلاستيك دي
مهندس منسي : آه… إنت عايزها مطبوعة ولا سادة؟
العميل : لأ مطبوعة
مهندس منسي : أقل كمية ربع طن
العميل : طب سعرها إيه؟
مهندس منسي : ما هو السعر هيتحدد بناء على الرسم بتاعك وبناء على السماكة اللي إنت هتطلبها
العميل : يعني رينجها من كام ـ كام؟ أنا شفت عندكم حاجة كده معمولة لعلبة أمينو كده مرسوم عليها بتاع كمال أجسام
مهندس منسي : آه
العميل : هوه أ/ زكريا معايا؟
مهندس منسي : لأ المهندس منسي معاك، هوه إحنا كنا عاملينها لأمريكا
العميل : هي نفس الخامة دي يا باش مهندس
مهندس منسي : آه دي حضرتك بقى تشرفنا بالزيارة هنبص على الحاجة اللي إنت عايز زيها ونقولك دي سعرها يبقى كذا
العميل : طيب مافيش رينج مبدئياً كده؟
مهندس منسي : هيبقى في حدود 6 ـ للكيلو
العميل : طيب لو كميات أكبر طبعاً بتقل السعر
مهندس منسي : إن شاء الله
العميل : ماشي… هوه تليفونك الشخصي اللي علي الموقع يا باش مهندس ولا تليفون الشركة
مهندس منسي : الـ 2
العميل : ماشي يا باش مهندس، إنتم شغالين الحد ما بتشتغلوش؟
مهندس منسي : لأ بنشتغل الحد عادي
العميل : ماشي، يعني المواعيد العادية بتاعتكم من 9-6؟
مهندس منسي : من 11-9
العميل : طيب معلش سؤال أخير يا باش مهندس، تاخد وقت أد إيه لو أنا مثلاً هديك عينة عاوز أستلم عليها؟
مهندس منسي : يعني في حدود 21 يوم حسب الشبكات اللي موجودة
العميل : طيب تمام.. تمام.. ماشي متشكرين قوي يا باش مهندس
مهندس منسي : سلام عليكم
العميل : عليكم السلام ورحمة الله وبركاته
