ماكينات إندكشن سيل من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : أهلاً بيك مين معايا
العميل : معاك وائل من المحلة
المهندس منسي : أهلاً بيك
العميل : الله يخليك، باش مهندس منسي
المهندس منسي : أيوه
العميل : بقول لحضرتك كنت عايز أستفسر عن ماكينة إندكشن سيل
المهندس منسي : آه
العميل : دي بتكلف كام يا باش مهندس، يعني علينا كام يعني؟
المهندس منسي : تبقى واقفة عليك بكام؟
العميل : آه بإذن الله
المهندس منسي :
العميل : طيب الاستلام مثلاً هيكون خلال أد إيه؟
المهندس منسي : إنوي إنت بس وما تقلقش إن شاء الله خير
العميل : أنا اتصلت بحضرتك عندي نية بإذن الله
المهندس منسي : إن شاء الله، في خلال أسبوع أو 10 أيام بكتيره قوي
العميل : طب آخرها كام يا باش مهندس عشان خاطر حتى اللسان الحلو ده
المهندس منسي : إحنا أسعارنا نهائية يعلم ربنا
العميل : أنا عارف، على فكرة أنا سامع عنك من سنتين
المهندس منسي : الحمد لله من فضل ربنا
العميل : الحمد لله، وأنا بجيب مكن لتعبئة الكراتين، اللي هوه الكرنك، وسامع عن المكنة ومكنك في السوق بسم الله ما شاء الله مسمع
المهندس منسي : لا تحت أمرك
العميل : الله يخليك يا رب، الله يبارك لك، يعني هي سعرها
المهندس منسي : إن شاء الله
العميل : تمام.. طب دي معاها حد بحيث يدربنا مثلاً في البداية وكده؟
المهندس منسي : أكيد
العميل : طيب هي بتشتغل معلش سؤال أخير
المهندس منسي : اتفضل
العميل : بتشتغل وزن ولا أمتار؟
المهندس منسي : أمتار
العميل : ماشي… ماشي يا باش مهندس
المهندس منسي : ماشي مع السلامة
