ماكينة لحام اكياس الرز والسكر موديل 306 ماركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : مع محمد نوار من دمنهور يا باشا

المهندس منسي : أهلاً بيك

العميل : حضرتك أنا شفت المكنة بتاعت اللحام دي، تعبئة رز وسكر وحاجات من دي

المهندس منسي : شفتها فين؟

العميل : على النت حضرتك

المهندس منسي : ماشي يا باشا

العميل : أنا كنت بسأل عليها إم تو باك دي 306، دي عامله كام دي يا باشا؟

المهندس منسي : 301 بـ يعني 2000 جنيه مصري

العميل : دي يدوي ولا آلي؟

المهندس منسي : لا يدوي إزاي، دي آلي، دي سير، سير مع وحدة لحام، يعني كل اللي عليك تمسك الكيس تحطه على السير بتلحم لوحدها الكيس

العميل : بندخلها الأكياس نظام الرولات ولا أكياس؟

المهندس منسي : لا أكياس، إنت تحطلها رول مافيش مشكلة، بتحطلها رولين مع بعض وهي تلحمهم لك لحام مستمر

العميل : وتلحمهم

المهندس منسي : إن شاء الله

العميل : دي المكنة دي بنشتغل عليها رولات ولا أكياس؟

المهندس منسي : الـ 2

العميل : طب مافيش حاجة أعلى من كده يعني مثلاً ندخل عليها رولات وتلحم؟

المهندس منسي : آه في آه

العميل : هوه أنا عندي كيس بيتلحم بطريقة معينة، يعني بجيب كيس معين عايز ألحمه بنفس الطريقة دي

المهندس منسي : ما هو أنا لا شفت الكيس ولا شفت الخامة ولا شفت حاجة، فحضرتك هاتلي الخامة بتاعتك وهاتلي شكل الكيس وأنا أبص عليهم أقولك المكنة اللي هتنفعك كذا

العميل : تمام

المهندس منسي : في مكنة عندنا إنتاجي، في مكنة أتوماتيك كاملة، في مكن قص ولحام أكياس وشنط، وقص ولحام أكياس لامينيشن، في عندنا أنواع كتيرة من المكن

العميل : المكنة اللي هي بيدخل رولات يا باشا، عندي كيس اللي هوه 3 طبقات، كيس سكر أو كيس رز بس الخامة بتاعته عالية شوية

المهندس منسي : آه موجودة آه في أتوماتيك كاملة بتعمل يعني 45000 جنيه مصري

العميل : آه… في أقل من كده مؤقتاً بس؟

المهندس منسي : آه مكنة تعبئة ومعاها مكنة لحام مستمر، مكنة التعبئة النص أتوماتيك بـ يعني 12000 جنيه، ومكنة اللحام بـ يعني 2000 جنيه

العميل : دي بندخلها رولات مافيش أكياس؟

المهندس منسي : لأ ما بدخلهاش رولات، دي تدخلها أكياس، المكن بتاع الرولات اللي هوه الأتوماتيك الكامل بيبدأ من

العميل : يعني تقريباً حوالي 47000 أو 45000

المهندس منسي : 45000 جنيه، سعر النهاردة، والأسعار هتزيد 1 أكتوبر إذا استمر سعر ال على ارتفاعه

العميل : العنوان اللي هوه مكتوب على النت ده حضرتك؟

المهندس منسي : آه هوه ده

العميل : طب أنا هكلم حضرتك بكرة أو بعده تاني ماشي

المهندس منسي : لا أنا هبعتلك بقى تليفون المبيعات وإنت تابع معاهم

العميل : خالص مافيش مشكلة، لو كده ابعتهولي في رسالة ولا حاجة

المهندس منسي : بس يستحسن بقى ما تتكلمش في الواتس، واخد بالك، يستحسن تيجي تتفرج على الطبيعة لأنه هتفرق كتير قوي

العميل : طب مافيش مشكلة

المهندس منسي : هتفرق معاك كتير قوي، هتفهم الدنيا ماشية إزاي، لو رحت اتفرجت على الطبيعة هتفهم الدنيا ماشية إزاي

العميل : خلاص ماشي.. في حاجة استعمال عندك يا باشا؟

المهندس منسي : في حتة استعمال واخد بالك مرميه عندي متلقحة بقالها سنتين، ممكن تروح تشوفها كده وتقول تمشي معاك بكام وخدها، لأني كنت واخدها بساعد واحد زي حضرتك كده، عايز يبدأ ومعهوش وكان جاب دي روحت واخدها منه وادتلوا أتوماتيك جديدة يعني

العميل : خلاص ماشي.. ماشي.

المهندس منسي : يعني اعتبرتها إيه مساعدة، فإنت روح…

العميل : آلي دي ولا يدوي ولا إيه؟

المهندس منسي : آلي أتوماتيك كاملة

العميل : هندخلها رولات

المهندس منسي : آه

العميل : طب مشكلتها إيه طيب؟

المهندس منسي : روح اتفرج عليها بقى وشوف، أنا مش فاكر مشاكلها إيه؟؟؟ بقولك بقالها سنتين متلقحا

العميل : خلاص ماشي يا باشا متشكرين يا باشا

المهندس منسي : العفو يا غالي مع السلامة