ماكينه شرينك لتغليف المنتجات من شركة المهندس منسي

العميل : سلام عليكم

المهندس منسي : عليكم السلام

العميل : المهندس منسي يا فندم

المهندس منسي : أيوه

العميل : أهلاً يا فندم، أنا كنت كلمت حضرتك الأسبوع اللي فات ع الواتس برضوا  يا فندم وكنت جاي لحضرتك بس معرفتش بصراحة الطريق آجي يعني

المهندس منسي : آه

العميل : طيب دلوقتي يا فندم أنا كنت عايز المكنة اللي هي بتعمل استرتش اللي بتغلف كحول ومتروجيلين

المهندس منسي : آه.. ماشي

العميل : ماشي يا فندم، المكنة دي عامله كام؟

المهندس منسي : عامله 430 ، يعني 4300 جنيه مصري

العميل : طب دي آخرها يعني؟

المهندس منسي : إحنا أسعارنا نهائية

العميل : طب دي مكنة مستوردة يا فندم ولا معمولة؟

المهندس منسي : آه… ماركة، متصنعة… قطع الغيار مستوردة ومتجمعة في مصر

العميل : تجميع محلي يعني

المهندس منسي : آه

العميل : ماشي.. هي موجودة في أي وقت إن شاء الله عندك ولا نتعاقد عليها وهتتعمل؟

المهندس منسي : لا موجودة بضاعة حاضرة، لو عايز تبعت تشوفها طالما إنت بتوه في العنوان ممكن تبعت وهما يشوفوا هالك

العميل : مفيش مشكلة يا باشا، لا أنا كده كده هاجي أشتري من باب البحر

المهندس منسي : لا.. ما تبعش معايا بقى تابع بقى مع المبيعات، أنا بس للاستشارات

العميل : بس للاستشارات يعني

المهندس منسي : آه… آه.. يعني أنا أقولك آه المكنة… إنت بتقول استرتش، هي ما سمهاش استرتش، اسمها مكنة شرينك

العميل : مكنة شرينك آه

المهندس منسي : فأنا عشان فاهم ببقى قاعد للاستشارات بس

العميل : تمام.. تمام…

المهندس منسي : بحيث إني أوصل المعلومة وأقعد أفهم أكتر يعني، إنما إنت بقى تابع مع المبيعات، قولهم عايز مكنة شرينك

العميل : آه..

المهندس منسي : واخد بالك، هي بضاعة حاضرة موجودة، وضمان لمدة سنة ضد عيوب الصناعة، و10 سنين توفير قطع الغيار لحساب العميل وفي الخامات برده موجودة

العميل : الخامات برده موجودة عند حضرتك يعني؟

المهندس منسي : آه الخامات المواد كلها موجودة، دي كلها موجودة الألومنيات والبست والـ 3 طبقات والشرينكات وكله وكله

العميل : تمام.. تمام…

المهندس منسي : يعني مش هتوه في حاجة، هتاخد المكنة وتاخد الخامات وتاخد كل حاجة وتديلهم تليفونك وبعد كده ماتجيش، ابعت الحاجة، يعني إنت إيه تعالى أول مرة اتعرف عليهم بس

العميل : إن شاء الله… ربنا يجيب اللي فيه الخير بإذن الله

المهندس منسي : بعدين إنت بتتعامل مع شركة مش بتتعامل مع تجار

العميل : والله حضرتك أنا استريحت لحضرتك من أول كلمتك علي الواتس

المهندس منسي : الله يخليك

العميل : الله يخليك يا فندم، أنا أصلاً من المنوفية يا فندم إن شاء الله

المهندس منسي : أهلاً بيك

العميل : طب حضرتك في أزايز وفي الحاجات دي برده؟

المهندس منسي : كله.. كله.. كله بدون استثناء

العميل : طب ممكن أعرف بس سعر الأزايز بتاع الكحول؟

المهندس منسي : ما هو أزايز الكحول مقاس كام × كام وعايزها وزن إيه

العميل : اللي هي الـ 100 مللي

المهندس منسي :…. حاجات كتيرة قوي، ابعتلي بس عبوة وإحنا نبص عليها

العميل : خلاص أنا كده آجي لحضرتك، إن شاء الله

المهندس منسي : هبعتلك أرقام المبيعات بقى تابع معاهم

العميل : طب اديني يا فندم رقم المبيعات

المهندس منسي : هبعتهولك في رسالة حالاً

العميل : ماشي يا فندم.. ماشي