ماكينة فاكيوم تشكيل علب الكشري والزبادي موديل 605 ماركة المهندس منسي

العميل : السلام عليكم.

المهندس منسي : عليكم السلام ورحمة الله وبركاته

العميل :  كنت بسأل حضرتك على…

المهندس منسي : هوه الصوت مش واضح الصوت ضعيف قوي.

العميل : سامعني كده يا فندم كويس.

المهندس منسي : آه اتفضل.

العميل : كنت بسأل حضرتك على مكنة تغليف الكشري، علب الكشري وعلب الزبادي.

المهندس منسي : تغليف؟

العميل : تغليف، المكنة الإم تو باك 605.

المهندس منسي : دي مكنة تصنيع العلب.

العميل : أيوه يا فندم ما أنت بتجيب الرول وبتقفله وتلحمه، ولا بتحط فيها بودر؟

المهندس منسي : آه.. إنت عايز تقفله وتلحمه يعني؟

العميل : مكنة إم تو باك 605 دي بتعمل إيه؟

المهندس منسي : دي بتشكل العلب، أما في مكنة تانية للحام العلب.

العميل : دي بتشكل العلب.

المهندس منسي : آه.

العميل : بتحط جواها المادة الخام وهي تبدأ تطلع المنتج، صح كده.

المهندس منسي : مضبوط آه.

العميل : دي عامله كام يا فندم؟

المهندس منسي : بس أعلى ارتفاع في العلبة 5سم.

العميل : أعلى ارتفاع في العلبة 5 سم؟

المهندس منسي : آه..

العميل : ما بتجيبش أكتر من كده آه..طب ما هوه كده ما فيش علبة كشري ارتفاعها 5سم.

المهندس منسي : لا ما هو في علب كشري صغيرة اللي هي الارتفاع 5سم اللي هي بسموها الصينية.

العميل : الصينية أما العلب الكبيرة الـ10 سم والكلام ده ما بتعملهاش؟

المهندس منسي : لا.

العميل : طب في مكنة عندك بتعمل الارتفاع العالي ده.

المهندس منسي : لا دي مكنة بقى حاجة اسمها  آند بلاو دي مكنة غالية بتعملها في حدود 125 .

العميل : 125 .. يعني ده أعلى ارتفاع ليك 5 سم يعني بحيث إنت تعمل العلب….

المهندس منسي : المكنة بتاعتنا بـ .

العميل : يعني بمعدل مصري 13500 صح كده.

المهندس منسي : مضبوط آه.

العميل : دي بقى أنا لو حابب أشوفها أتفرج عليها، أتفرج عليها فين يا فندم.

المهندس منسي : إحنا عندنا فرع حدائق القبة، مدينة نصر، باب الشعرية.

العميل : طيب هي متواجدة في فرع حدائق القبة؟

المهندس منسي : اتصل.. هبعتلك تليفون المبيعات بقى تابع معاهم.

العميل : طيب هوه حضرتك شغال في مكن تاني؟ شغال في مكن حقن؟

المهندس منسي : آه.. مكن حقن بلاستيك آه.

العميل : ده جديد ولا استيراد.

المهندس منسي : استيراد آه.

العميل : طيب إنت شغال في إيه يا فندم؟ في المكن ماركات إيه؟

المهندس منسي : المكن ده بيبقى بظروفها ممكن دي بي، ممكن إنجل، الموجود يعني.

العميل : يعني بحسب.. المكن المتوفر عندك؟ إنجل ولا مكن إيه؟ بوي ألماني؟

المهندس منسي : مكنة بي إم.

العميل : بي إم.. تمام يا فندم، طب إنت حد… طب ماشي يا فندم، طب ابعتلي أي حد أعرف أتواصل معاه.

المهندس منسي : هبعتلك أنا تليفون المبيعات في رسالة دلوقتي حالاً.

العميل : طيب ماشي ما فيش مشاكل.