أكياس سلوفان لتغليف الحلويات من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باشا

المهندس منسي: أهلاً بيك

العميل: شركة المهندس

المهندس منسي: أيوه

العميل: كنا عايزين أكياس سلوفان… 43 × 60

المهندس منسي: آه

العميل: في منها؟

المهندس منسي: موجود إن شاء الله

العميل: تمام… والباكيتات دي قول 80 طول 80 ، و 60 × 10 × 10

المهندس منسي: ولا يهمك كل المقاسات اللي إنت طالبها موجودة

العميل: والمناديل

المهندس منسي: موجودة برده

العميل: في مناديل 35 × 45؟

المهندس منسي: في كل المقاسات اللي إنت عايزها

العميل: طب والسعر؟

المهندس منسي: ما هو سعر إيه × إيه؟؟؟ ما هو سعر السماكة اللي حضرتك عايزه، الطول، العرض… الأوزان، الكمية… كل الحاجات ديت إحنا محتاجين نعرفها عشان نبدأ نقول سعرها يبقى كام

العميل: كل ما تكبر الكمية كل ما يخف السعر يعني

المهندس منسي: إن شاء الله

العميل: تمام.. تمام يا باشا، طب ممكن أديك الكمية وأعرف سعرها؟

المهندس منسي: طب ممكن تشرفنا بالزيارة الكلام هيبقى أحسن

العميل: أنا أصلاً من سوهاج مش من هنا، ده أنا خدت التليفون من واحد حبيبي والله

المهندس منسي: هوه حضرتك تاجر ولا إيه؟

العميل: صاحب مصنع حلويات

المهندس منسي: آه..

العميل: فأنا هاخدهم وكل 5-6 أشهر آخد 100-200 كيلو، الطن على بعضه…

المهندس منسي:  طب بص هقول لحضرتك على حاجة إنت ممكن تشرفنا هتبص في المصنع هتلاقي الخامات موجودة قدامك بضاعة حاضرة، هتنقي منها اللي هيعجبك وإنت واقف هيديلك سعرها

العميل: طب بالنسبة عايز مكنة تغليف فلوباك

المهندس منسي: عندنا آه

العميل: عندكم المصري والصيني؟

المهندس منسي:  لا عندنا بس الصيني، المصري ما بنشتغلش فيه عشان الصيني تشتغل كهربا، بتشتغل التعامل معاها صعب شويه، إنما الصيني معمولة كهربا فالتعامل معاها سهل

العميل: تمام… التعامل ممكن تتعامل بشيكات بنكية معايا؟

المهندس منسي: لا إحنا شغلنا كله كاش، يمكن يا أخي سبحان الله، يمكن كل واحد وجهده

العميل: ماشي يا باشا

المهندس منسي: مع السلامة