اسطمبات لعبوات مستحضرات التجميل من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : باش مهندس منسي

المهندس منسى : أيوه

العميل : إزي حضرتك

المهندس منسى : الحمد لله

العميل : كنت عايزه أسأل لو إنتم عندكم فرصة نعمل اسطمبة اللي هي بتاعت الروج وزبدة الكاكاو؟

المهندس منسى : آه ممكن

العميل : ما عندكوش حاجة جاهزة، دي بتعمل اسطمبة

المهندس منسى : بنعمل اسطمبات آه

العميل : طيب المطلوب بقى إيه؟؟ يعني مثلاً أبعتلكم

المهندس منسى : ابعتلنا سمبل وإحنا هنقولك الاسطمبات دي هتتكلف كذا، بناء عليه هتقولي، خلي بالك دي مجموعة اسطمبات مش اسطمبة واحدة

العميل : أبعت لحضرتك الاسطمبة اللي أنا عايزاها

المهندس منسى : ابعتي سمبل يعني عينة

العميل : لأ أنا ماعنديش عينة عندي صور

المهندس منسى : آه… لو صور هنبدأ نعمل دراسة تكاليف ليها طلعت إزاي واتعملت إزاي فدي هتتكلف جامد، فيستحسن سمبل عينة ملموسة أفضل بتكتير عشان خاطر ما نقولكيش دي هنقولك تكلفة كذا عشان نقدر نعملك الاسطمبات كذا

العميل : هوه أنا منزلة صور فيها طريقة الداخلية بتاعتها، يعني الاسطمبة من جوة شكلها عامل إزاي…

المهندس منسى : دي هتتعبنا شويه

العميل : كصور يعني لأنه أنا لغاية دلوقتي ما جبتش الاسطمبة دي فلغاية دلوقتي اللي تحت إيدي هوه الصور

المهندس منسى : هوه إنت عايزه اشتريتي الاسطمبات ولا اشتريتي المنتج نفسه؟

العميل : لأ أنا عندي المنتج نفسه اللي هوه الروج بس في صورة سائلة، فهوه ده بيتحط جوه الاسطمبة ويتجمد فيطلع على ما هو صابع الروج ده

المهندس منسى : مش جوة الاسطمبة، جوه العينة، جوه البلاستيكة نفسها، جوه المنتج الرول نفسه

العميل : لأ.. لأ…هوه في اسطمبة فيهم بيديني شكل قلم الروج مفتوح كده من فوق

آه إنتي بعملي اسطمبات زي اسطمبات الفاكويم كده بيتصب كده في حاجة، بمجرد المهندس منسى : ما يتصب تشيليه وتحطيه في ارول

العميل : بالضبط كده

المهندس منسى : يعني إنتي عايزه الاسطمبات بتاعت صابع الرول ولا الاسطميات باعت الراس؟

العميل : الاسمطبات بتاعت صوابع الروج اللي هوه الجزء الكيميكال أو الجزء اللي أنا بعمله

المهندس منسى : آه مافيش مشكلة

العميل : أنا معايا حتى التركيب الداخي للاسطمبة معايا، فهل في إمكانية إن أنا أبعتهالك تبص عليها كده؟

المهندس منسى : يستحسن على الميل لأنه الواتس يخفض الحجم بجب الصورة مبكسلة وحالتها وحشة قوي

العميل : تمام.. طيب ممكن حضرتك تديني الإيميل بعد إذنك؟

المهندس منسى : هبعتهولك في رسالة حالاً

العميل : خلاص ماشي، طب الحاجات البلاستيك الفوارغ، اللي هوه علبة الروج نفسها الفاضية

المهندس منسى : إحنا بنشتغل شغلنا كله دايماً لحساب الغير، ما بنشتغلش ونبيع لكل الناس، إحنا بنشتغل دايماً على الخصوصية

العميل : أيوه يعني قصدك بتتفصل، يعني لما أطلب إنت بتعملهولي

المهندس منسى : أيوه، والي إحنا عملناهولك ما بنعملوش لغيرك

العميل : آه.. تمام

المهندس منسى : عشان خصوصية العميل يعني

العميل : تمام.. خلاص ماشي يا باش مهندس، شكراً لحضرتك، السلام عليكم