أكياس ألومنيوم فويل لتعبئة القهوة والشاي من شركة المهندس منسي

 العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: لو سمحت كنت عايز أسأل على أسعار ألومنيوم فويل عن القهوة والشاي

المهندس منسي: ألومنيوم فويل إيه؟

العميل: اللي أنا بعبي فيهم القهوة البن

المهندس منسي: آه.. الأكياس يعني أكياس الألومنيوم فويل

العميل: آه.. عايز أسأل الكيلو بكام؟ بيتباع إزاي؟ كده يعني

المهندس منسي: هوه حضرتك هتعبي.. إنت هتشتغل على مكنة أتوماتيك ولا مكنة نص أتوماتيك؟ يعني عايز الأكياس ولا عايز الرولات؟

العميل: لأ أكياس

المهندس منسي: طب استفيض معايا في الكلام مش أنا اللي هتكلم لوحدي، عايز أعرف من حضرتك شويه معلومات أفهم منهم القصة يعني

العميل: تمام اتفضل

المهندس منسي: يعني إنت عايزها مطبوعة سادة؟ عايزها التكنيك بتاعها أد إيه؟

العميل: لأ أنا عايزها مطبوعة، عايزها بتصميم جميل، عايزها بكمية معينة، بس قبل ما آخد أي خطوة أو قبل ما آجي الشركة عايز أعرف الدنيا ماشية إزاي والأسعار ماشية إزاي لأن أنا من دمياط

المهندس منسي: آه… إنت عارف مش هنقدر نقول أي حاجة إلا لما نشوف الديزاين ونعرف الكمية، ونعرف المقاس طول × عرض أد إيه، واخد بالك، وحضرتك تمسك الخامة سماكة الألومنيوم فويل اللي عندنا وتختار الخامة اللي تعجبك وتقول أنا عايز زي الخامة دي، فهمتني؟؟؟

العميل: تمام…

المهندس منسي: فمش هنقدر نديلك.. هنديلك سعر إيه بناء على إيه؟

العميل:  هوه المقاسات هتبقى ثمن، ربع، نص كيلو

المهندس منسي: آه.. آه.. الثمن ده بالنسبة لك حاجة معلومة، بالنسبة لي أنا حاجة مبهمة، لأن أنا دلوقتي إنت بتتكلم على البن كما لو كنت أنا خبير في البن، واخد بالك، فأنا دلوقتي بعبي وبغلف في كل المجالات، كل واحد بيقولك مثلاً شايف إن هوه المفروض أبقى عارف مجاله، يعني أبقى عارف البن دوت مقاس كام، يعني مثلاً لما ييجي بتوع مستحضرات التجميل يقولك كيس الشامبو يا أخي، فهمتني إزاي، واحد تاني بتاع أحبار، يا عم الحبر بتاع إتش بي، آل يعني مانتش عارفه، واحد بتاع أدوية يقولك يا عم الدوا بتاع الفوار دوت، فهمتني، فهمه كل واحد متوقع إن كل الدنيا عارفه منتجه بمقاساتها بكل حاجة، أنا معرفش، لازم طبعاً ترفعلي كل المقاسات…

العميل: يعني أنا لازم أجيب عينات وأنا جاي مثلاً عينات بالأوزان

المهندس منسي: آه.. آه… حضرتك هتجيب العينات وتجيب الخامات ولو أمكن تجيب الكيس اللي إنت عايز تعمل زيه، ما لقتش

العميل:  أو صورة

المهندس منسي: مثلاً، لو مالقتش إحنا عندنا الخامات أوردي بتاعت كيس البن وكيس الشاي وأكياس التوابل وأكياس مستحضرات التجميل، وكل المجالات

العميل:  بس أنتم قريبين يعني ولا هاجي أبص على الأسعار ألاقي….

المهندس منسي: إنت بتتكلم مع المهندس منسي يا بيه

العميل: تمام…

المهندس منسي: إحنا أصحاب رسالة مش نازلين بهدف الربح، الربح عندنا مش كل حاجة

العميل: تمام..

المهندس منسي: ده مش معناه إن إحنا فاتحين مؤسسة اجتماعية، بس المكسب بما يرضي الله

العميل: الله ينور عليك

المهندس منسي: حاجة كده هامش ربح، مش إن إحنا بنستغل فرصة… لا.. لا.. لا… ومع ذلك بنقدم أعلى حاجة، يعني إحنا مصنعين على أعلى جودة وهي الروتوجرافيك، يعني اسأل كده على الطباعة الروتوجرافيك أخبارها إيه في مصر، اسأل عننا شوف الدنيا فيها إيه؟؟؟ الحمد لله وبفضل من ربنا ضربين الرقم القياسي

العميل: يا باشا ده باين من المنتج بتاعك والله

المهندس منسي: الله يبارك لك

العميل: طيب أنا ممكن آخد العنوان؟

المهندس منسي: هبعتلك العنوان في رسالة حالاً

العميل: هتبعته على الواتس ده

المهندس منسي: آه

العميل: طيب ماشي شكراً

المهندس منسي: مع السلامة

العميل: والمواعيد برده

المهندس منسي: المواعيد من 11-9 طول أيام الأسبوع ماعدا يوم الجمعة

العميل: الجمعة أجازة

المهندس منسي: آه

العميل: تمام.. ماشي يا باشا متشكرين ألف شكر

المهندس منسي: مع السلامة