خامات ورق تغليف علب الزبادي من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : طيب من فضل حضرتك كنت عايز أسأل بس على حاجة، الورق اللي بيتغلف بيه الكوبيات الزبادي أو علب الزبادي

مهندس منسي : آه..

العميل : ده سعر بتاعه إيه، ولو أنا عايز آجي آخد منه في عندك منه ولا لأ؟

مهندس منسي : عندنا آه

العميل : طيب ده سعره إيه يا فندم

مهندس منسي : نشوف بس شكل الكوباية إيه ونقولك سعره يبقى كام

العميل : طب أنا لو هاخد كمية كبيرة يعني، يعني مثلاً هوه بالكيلو

مهندس منسي : هوه بالكيلو آه

العميل : طب مثلاً لو هاخد ربع طن مبدئياً أو 300 كيلو

مهندس منسي : بقول لحضرتك نشوف بس الكوباية الأول خامتها إيه لأنه في خامة البولي بروبلين وفي خامة الـ بي في سي، وفي خامة الـ بي إيه تي، والبولي إيثيلين، في حاجات كتيرة قوي

العميل : يعني خامة الكوباية هي اللي بيتوقف عليها…

مهندس منسي : ونوع الغطا اللي بيتلحم عليها

العميل : آه.. تمام يا فندم طب لو آخد من وقت حضرتك معلش أنا آسف يعني، ممكن تقولي إيه اللي موجود عند حضرتك وسعره طيب وأنا هشوف وهرجع أكلمك تاني؟

مهندس منسي : كله موجود عندي

العميل : طب والسعر بيدأ الكيلو من كام لكام؟

مهندس منسي : من 36

العميل : لحد كام

مهندس منسي : لحد حضرتك بس ابعتلي الكباية وإن شاء الله ما تقلقش يعني، لأنه هوه كده من كام لكام هوه حضرتك ابعتلي الكوباية وهتلاقيني برد عليك على سعرها على طول يعني

العميل : طيب حالاً إديني بس آخد نوع الكوباية وأكلم حضرتك

مهندس منسي : ماشي متشكرين جداً