أكياس بولي إيثيلين من شركة المهندس منسي
العميل: سلام عليكم
المهندس منسي: وعليكم السلام ورحمة الله وبركاته
العميل: شركة المنسي
المهندس منسي: أيوه
العميل: طيب مع حضرتك محمد محمود مدير مشتريات شركة هوليو للتصنيع الغذائي
المهندس منسي: شركة إيه؟
العميل: هوليو للتصنيع الغذائي
المهندس منسي: أهلاً بيك
العميل: أهلاً بحضرتك يا فندم، أتشرف بحضرتك؟
المهندس منسي: مهندس منسي مع حضرتك
العميل: إزيك يا باش مهندس
المهندس منسي: أهلاً بيك
العميل: كنت عايز أسأل حضرتك إنتم بتشتغلوا في أكياس بولي إستر على بولي إيثيلين فيهم
المهندس منسي: إن شاء الله… هوه الفاكيوم المواصفة بتاعته بولي آميد بولي إيثيلين مش إستر بولي إيثلين، الإستر ده بيتحط للطباعة، اللي بيحصل ده هجس، همه بيعملوا غلط، الشغل ده غلط
العميل: تمام..
المهندس منسي: اللي همه بيعملوا ده غلط، الصح بتاع الفاكيوم هوه البولي أميد المبطن بالبولي إيثيلين
العميل: طيب أنا عندي عينات شغال بيها حالياً… معايا حضرتك
المهندس منسي: مع حضرتك اتفضل
العميل: بقول لحضرتك أنا ممكن حد يشرفني في المصنع هنا ياخد عينات ويشوف…
المهندس منسي: والله عملية إن حد يشرفك ديت بيبقى صعب علينا عشان إنت عارف النهاردة العمالة في مصر بقت متعبة جداً
العميل: أيوه
المهندس منسي: إنما أنا طبعاً يشرفني إن أنا أتعرف بيكوا وكل حاجة
العميل: ربنا يخليك يا باش مهندس
المهندس منسي: بس العملية دي أيام ما كنت لوحدي صدقني كان بيبقى عادي وكنت بروح وآجي وكده يعني، إنما الناس كترت وحجم الشركة كبر واخد بالك فمبقتش، بعت صعبة شوية
العميل: تمام..
المهندس منسي: بعدين يا سيدي فرصة نتعرف على حضرتك، يعني الناس الجميلة ديت معرفة كويسة
العميل: يا باشا ربنا يخليك، ده شرف لينا يا باش مهندس منسي، طيب أنا شايف إن العنوان قريب في باب الشعرية مش كده؟ وراء رئاسة الحي
المهندس منسي: آه..
العميل: طب أنا هاجي لحضرتك أجيبلك الكيسين اللي أنا شغالي بيه، هوه حضرتك شغال هاي ولو ولا ما بتشتغلوش فيه؟
المهندس منسي: آه الاتنين آه
العميل: طيب تمام…
المهندس منسي: إحنا شغلنا مستورد كله ألماني وإيطالي، الخامات بالذات بنجيبها من إيطاليا وألمانيا وفرنسا وهولندا وبلجيكا
العميل: طيب، زي الفل، ربنا يوسع عليك، أنا هجيب لحضرتك العينات وآجي لحضرتك ونشوف الدنيا فيها إيه وربنا يجعل في خير إن شاء الله
المهندس منسي: تيجي تنورني يا غالي
العميل: ربنا يخليك، في مواعيد لحضرتك ولا حاجة تكون موجود فيها خارج المكان ولا حاجة؟
المهندس منسي: أنا موجود دايماً من 5-11 طول أيام الأسبوع في فروع باب الشعرية، وفرع مدينة نصر العميل: يوم السبت برده من 5 -11
المهندس منسي: من 5-11 مساء .. آه
العميل: المعاد ده يبقى صعب قوي عليا
المهندس منسي: يوم السبت بس بكون في مدينة نصر، أجيلك بدري شويه ما تقلقش
العميل: آه… طيب …
المهندس منسي: أجيلك 4
العميل: لا ما هوه الوقت بيبقى خلاص اللي بيجهزلي الشغل هنا في العبور هنا، أنا كنت مثلاً هجيلك على 11 ـ 12
المهندس منسي: إحنا فتحنا فرع في العبور المفروض إنه هيشتغل الشهر اللي جاي أو الشهر اللي بعده
العميل: طب خير إن شاء الله، يبقى في تعامل ممكن بإذن الله، على ما نضبط شغلنا يكون في خير بإذن الله
المهندس منسي: إن شاء الله
العميل: طب ممكن أنا أحود عليك العينات وحضرتك تبقى تخودها ونبقى نتعرف على حضرتك في وقت لاحق بإذن الله
المهندس منسي: مفيش مشكلة آخد العينات وأبص عليها وهكلمك في التليفون
العميل: تمام يا فندم
المهندس منسي: اسم الكريم إيه؟
العميل: محمد محمود
المهندس منسي: ماشي يا غالي، عاشت الأسامي
العميل: ماشي يا باش مهندس، ما تحرمش من ذوقك يا باشا، شكراً ليك مع السلامة..
