أكياس للتغليف من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس

المهندس منسي: أهلاً وسهلاً مين؟

العميل: أنا يا باشا مش هتعرفني اتعاملت معاك من 10-15 سنة كده

المهندس منسي: من الشرقية

العميل:  آه… فاكرني، كنت واخد منك كيس كده زمان

المهندس منسي: فاكرك يا غالي

العميل: إنت ممكن تكون نسيت شكلي

المهندس منسي: آه شخصية طيبة كده وبتاخد الأمور ببساطة

العميل: ربنا يخليك يا باش مهندس ربنا يديك الصحة

المهندس منسي:  الله يخليك، خدت من عندي شغل أكياس بيضا تقريباً

العميل: أنا حتى جيت لحضرتك الأسبوع اللي فات، بس حضرتك ما كنتش موجود يعني… المهم أنا كنت عايز والله مقاسين 30.5 × 21 ماشي

المهندس منسي:  آه

العميل: أنا عايز أجيلك أقابلك

المهندس منسي:  تيجي تنورني، أنا موجود من 5-11 دايماً ما عدا يوم السبت والثلاثاء بكون في الفرع بتاع مدينة نصر

العميل: لا… مدينة نصر إيه إحنا عايزين باب الشعرية

المهندس منسي:  ماشي يا غالي… تيجي تنورني

العميل: ربنا يكرمك، ربنا يديك الصحة… عاوز أقابلك أنا بقى، مش عاوز حد تاني يقابلني

المهندس منسي:  لا تحت الأمر يا غالي

العميل: ربنا يخليك ويديك الصحة، خلاص ماشي هكملك تاني قبل ما آجي

المهندس منسي:  تيجي تنورني يا غالي

العميل: ماشي أشكرك يا فندم، شكراً

المهندس منسي:  مع السلامة