اسطمبات برطمانات عسل من شركة المهندس منسي
العميل : سلام عليكم
المهندس منسي : وعليكم السلام
العميل : شركة المهندس للعبوات البلاستيكية
المهندس منسي : أيوه
العميل : طب بص يا عم الحاج إنت في عندك العبوة اللي هي نص كيلو برطمان الشفاف الـ بي تي؟
المهندس منسي : بنعمله
العميل : اللي هوه 900 جم بتاع العسل الأبيض والعسل الأسود؟
المهندس منسي : كله كله كله بنعمله
العميل : طب المصنع حضرتك فين أو المكان لو إحنا عايزين مثلاً نبص على عينات كده وناخد…
المهندس منسي : في 6 أكتوبر
العميل : في 6 أكتوبر؟
المهندس منسي : آه
العميل : في المدينة الصناعية
المهندس منسي : آه
العميل : طب لو رحت في أي وقت يعني ألاقي عبوات جاهزة ولا….
المهندس منسي : أنا هبعتلك العنوان والتليفونات، إنت بقى اتصل بيهم وتابع معاهم
العميل : طب ياريت والنبي يا باش مهندس، ابعتلي التليفونات و…
المهندس منسي : هبعتلهملك حالاً دلوقتي
العميل : أيوه خليك معايا…
المهندس منسي : هبعتهولك في رسالة حالاً أهوه
العميل : طب ما تملهوني؟
المهندس منسي : لا.. لا هبعتهولك في رسالة
العميل : ماشي، وأكلم أنا حد أكلمهم أقولهم مين؟
المهندس منسي : قوله على اسمك عادي
العميل : لأ اللي هوه موجود هناك الباش مهندس مين؟
المهندس منسي : الحاج شوقي
العميل : الحاج شوقي؟
المهندس منسي : آه
العميل : ماشي يا حاج ماشي…
المهندس منسي : مع السلامة
