اكياس تعبئة مكرونة من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل:شركة المهندس منسي

المهندس منسي: أيوه

العميل:كنت شفت على الفيس……

المهندس منسي: إيه؟؟؟

العميل:أكياس بتاعت تعبئة منتجات غذائية رز وكده

المهندس منسي: آه

العميل:كنت عايز أعرف لو هعمل كيس تعبئة مكرونة، الكمية أد إيه وتتكلف كام وكده؟

المهندس منسي: أقل كمية ممكن نطبعها، إحنا بنطبع بالروتوجرافيك أحسن أنواع الطباعة في العالم، أقل كمية هي ربع طن

العميل: ربع طن بحوالي كام؟

المهندس منسي: ما هو السعر مش بيتحدد بناء على كده وبس، بيتحدد بناء على إن حضرتك الكمية والديزاين والخامة اللي حضرتك تختارها، يعني حضرتك لما تيجي تشرفنا بالزيارة هتجيب معاك الديزاين هنعد عدد الألوان ونشوف الكمية المطلوبة أد إيه وحضرتك هتختار الخامة وبناء عليها ندي السعر

العميل: طيب أنا كنت عايز أعرف تكلفة متوسطة هوه الكيلو….

المهندس منسي:متوسط للكيلو

العميل: الكيلو في حوالي كام كيس؟

المهندس منسي:معرفش

العميل: أنا عايز الكيس اللي بيعبي 350 جرام مكرونة…

المهندس منسي: ده حضرتك على حسب، ممكن الكيس يطلع 5 جرام، وممكن يطلع 3 جرام، وممكن يطلع 10 جرام

العميل: آه على حسب السمك نفسه يعني

المهندس منسي: أنا ما أعرفش إنت هتختار إيه، لما حضرتك تختار الخامة هنقولك دي هتطلع كذا

العميل: يعني حضرتك بتتكلم إن في حاجات 3 وممكن 5 وممكن 10

المهندس منسي: العمليات الصناعية دي بالذات ما ينفعش أراوند.. أراوند، ما ينفعش، لازم كل حاجة بدقة، لأنه النهاردة القرش الواحد في الكيس يفرق معاك في الكمية

العميل: صح.. صح.. الله يفتح عليك يا باش مهندس، أنا معايا العنوان بتاع باب الشعرية، موجودين من الساعة كام لكام؟

المهندس منسي: من 11-9 طول أيام الأسبوع عدا الجمعة أجازة

العميل: شكراً جداً وبكره هاجي لحضرتك

المهندس منسي: آه إحنا موجودين آه

العميل: ماشي يا فندم، السلام عليكم

المهندس منسي: عليكم السلام ورحمة الله وبركاته