اكياس لتعبئة الباودر من شركة المهندس منسي

العميل: سلام عليكم..إزيك يا باش مهندس

المهندس منسي: أهلاً بيك

العميل: لو سمحت يا باش مهندس إنتم كمان عندكم بتبقى متوفرة الأكياس اللي هي شبه الألومنيوم اللي بيتعبا فيها الأدوية وكلام من ده باودر

المهندس منسي: إن شاء الله

العميل: طب خاماتها

المهندس منسي: آه برده موجودة

العميل: يعني كل الخامات موجودة

المهندس منسي: إن شاء الله

العميل: طب تكلتفتها أد إيه؟

المهندس منسي: دي بتتحسب بناء على حجم الكيس والتكنيك اللي إنت عايزه، وإذا كنت هتحتاج سادة ولا طباعة ولا إيه؟

العميل: لا أنا عايز طباعة على الكيس

المهندس منسي: آه… دي التكلفة بتتحسب بناء على كده

العميل: طب هوه لو الطباعة نظيفة والجودة نظيفة، أنا عايز أنظف خامة يبقى بكام، والكيس مثلاً يشيل كيلو باودر مثلاً

المهندس منسي: نشوف بقى الديزاين والكمية اللي إنت عايزها أد إيه وبناء عليه إحنا نقولك السعر هيبقى كام

العميل: هوه بالكيس ولا بالكيلو؟

المهندس منسي: بيبقى بالكيس، أما لو إنت عايز كميات رولات بيبقى بالكيلو، ولكن سعر الخامات ما بيتحددش كده، بيتحدد بناء على حسبة بنحسبها مع بعض

العميل: طيب أنا بقولك الديزاين…

المهندس منسي: والله إحنا من ساعتها عاملين نلف وندور حولين السعر كام، فأديك أي سعر في الآخر يبقى أنا راجل غلطان يعني، في الآخر تيجي تطالبني بيه

العميل: لا مش القصد.. مش القصد.. لا.. لا أنا بتكلم بحيث أجيلك، أصل أنا إيه فاهم الدنيا عارف

المهندس منسي: والله إنت تيجي تنورني، لو المشوار إنت شايف إنه أقل من المصلحة يبقى بلاش

العميل: مش على بلاشه، أنا لو هحتاج هحتاج مثلاً ألف كيس

المهندس منسي: ألف كيس آه…

العميل: والطباعة عليه الديزاين عادي

المهندس منسي: من بابه أقل كمية خالص بتبقى في حدود 250 كيلو في الطباعة

العميل: تمام… طب الكيلو بتحسب بكام؟

المهندس منسي: الكيلو في حدود

العميل: تمام… تمام.. بالطباعة…

المهندس منسي: فهنا ألف كيس دي هتعمل كمية أد إيه 20 كيلو مثلاً؟؟؟

العميل: لأ مش عارف بصراحة، ما ينفعش أقل من 250 كيلو

المهندس منسي: آه…

العميل: ده بالطباعة ولا بدون طباعة

المهندس منسي: لا لو السادة خد الكمية اللي إنت عايزها

العميل: تمام… بالطباعة بـ

المهندس منسي: إن شاء الله

العميل: طيب متشكر جداً يا باش مهندس وأنا آسف على الإزعاج

المهندس منسي: لا ولا يهمك

العميل: اتفضل.. اتفضل