رولات فويل الومنيوم من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت عايز أسأل على فويل اللحام
المهندس منسي: آه موجود آه
العميل: طب عايز أعرف الكيلو بكام؟ وهل ممكن تطبعوا عندكم ولا الطباعة بره؟
المهندس منسي: هوه نقدر نطبعه، بس لازم نبص…. هي قبل الطباعة بكام يعني؟
العميل: آه قبل الطباعة بكام؟
المهندس منسي: بـ 32
العميل: البكرة كام كيلو يا معالي الباشا؟
المهندس منسي: إنت بتقول عايز البكرة كام كيلو….
العميل: يعني على حسب ما أنا عايزها يعني
المهندس منسي: إن شاء الله
العميل: طب حضرتك إنت هنا في مصر ولا فين؟
المهندس منسي: هي مش هتفرق معاك أفتح في مصر أفتح في لندن…. هتفرق معاك الجودة
العميل: المهم.. المهم.. يعني عشان الوقت وعشان السعر، قبل كده سألت عندكم فلقيت الأسعار غالية شويه يعني
المهندس منسي: آه… إنت قيستها غالية بناء على إيه؟
العميل: يعني سألت كنت إنتم بتتكلموا…..
المهندس منسي: إحنا مافيش حد يعرف يطبع اللي إحنا بنطبعه، إحنا بنطبع ربع طن في الروتوجرافيك، ما حدش عملها في العالم كله
العميل: آه….
المهندس منسي: يبقى غالية بناء على إيه بقى؟؟ هوه في حد بيعمل اللي إحنا بنعمله…
العميل: لا ما حدش يعرف يعمله
المهندس منسي: طب اطبع الـ 2 طن كده وشوف سعرنا غالي ولا رخيص
العميل: آه.. صحيح، خير إن شاء الله، طب حضرتك أنا….
المهندس منسي: بره لو إنت سألت بره هيقولك أقل كمية 2 طن، أنا نزلت معاك وطلعتلك سعر بس، لأن بس مش أكتر من كده
العميل: طب بالطباعة يبقى الكيلو عامل كام؟
المهندس منسي: أنا بطبع روتوجرافيك، ما تقارينيش بواحد بيطبع فلكسو
العميل: صحيح، عامة أنا ناوي أجرب كده إن شاء الله وآخد كمية كده إن شاء الله اللي هي قبل الطباعة، بإذنك يا رب إن شاء الله
المهندس منسي: ماشي
العميل: ماشي يا باشا، سلام عليكم، مع السلامة
