عينات اكياس سكر من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المنسي
المهندس منسي : أيوه يا باشا
العميل : معايا
المهندس منسي : أيوه معاك
العميل : شركة المنسي بقول لحضرتك
المهندس منسي : أيوه
العميل : بقول لحضرتك هوه حضرتك بتعملوا الأكياس بتاعت السكر وكده
المهندس منسي : آه بنعملها آه
العميل : لو كنت عايز أعمل أكياس السكر ،النت بيقطع عندي معلش معايا
المهندس منسي : أيوه اتفضل
العميل : بقول لحضرتك أنا عاوز أعمل سكر، بس عايز أعمله في خامة كيس نظيفة
المهندس منسي : آه…
العميل : أنا عندي التصميم وكل حاجة بس عايز أعمل خامة نظيفة
المهندس منسي : هوه إحنا أوردي بنطبع بأعلى أنواع الطباعة في العالم، اللي هي الروتوجرافيك
العميل : تمام.. هوه أنا عندي سكر ورز ومكرونة، بأنا كنت عايز أعمل الطباعة بتاعت الـ 3 حاجات دول
المهندس منسي : حضرتك شرفنا بالزيارة نتفرج على نوعية الخامة
العميل : فين حضرتك في القاهرة
المهندس منسي : آه إحنا عندنا حدائق القبة، مدينة نصر، باب الشعرية
العميل : هوه إحنا في إسكندرية
المهندس منسي : هبعتلك العنوان في رسالة حالاً
العميل : طب ما ينفعش أعرف سعر الطباعة سعر مبدئي يبقى بكام؟
المهندس منسي : ما هوه الخامات ما ينفعش أقولك سعر مبدئي، سعر مبدئي…
العميل : أنا عايز أنظف حاجة، قولي أنظف حاجة تبقى عامله كام؟
المهندس منسي : بقول لحضرتك ده بيتحدد على الكمية والسماكة والديزاين
العميل : أقل كمية ممكن أخودها كام؟
المهندس منسي : أقل كمية ربع طن، فهوه إحنا بنتكلم في إيه؟ في عدد من العوامل اللي بتحدد السعر، لو قلتلي سعر مكنة ما هوه أنا هقولك، إنما سعر خامة ده عدد من العوامل بيتحكم في السعر، حضرتك تعالى اتفرج على الخامات والخامة اللي هتعجبك هنقولك كمياتك فيها أد إيه، ورينا الديزاين وبعد ما تورينا الديزاين..
العميل : حضرتك ما تعرفش تقولي رينج من كام لكام…
المهندس منسي : أنا لو أعرف كنت قولتلك من غير ما ….
العميل : أصل أنا من إسكندرية بس على أساس المشوار وكده يعني
المهندس منسي : آه.. على خير
العميل : يعني هوه بيعدي الـ 20 جنيه الكيلو
المهندس منسي : آه بيعدي آه
العميل : طيب خلاص تمام.. ماشي يا باشا
المهندس منسي : ماشي يا غالي
العميل : الله يخليك مع السلامة
