ماكينة شرينك لتغليف برطمانات العسل من شركة المهندس منسي

العميل : ألو…سلام عليكم.

المهندس منسي : عليكم السلام ورحمة الله وبركاته.

العميل : إزاي الحال، بسأل على المكينة اللي بتبستر البرطمانات دي بتاعت العسل؟

المهندس منسي : الإيه؟

العميل : المكينة بتبستر برطمانات العسل.

المهندس منسي : بتبستر برطمانات العسل؟

العميل : آه.

المهندس منسي : تبسترها إزاي؟ تبسترها تعقمها يعني، ولا تبسترها إزاي مش فاهم؟

العميل : تبسترها يعني تملى البرطمان يعني.

المهندس منسي : آه.. إنت عايز مكنة التشنيع اللي هي تحط عليها بلستر، يعني بلاستيك من فوق…

العميل : أيوه تبستر البرطمان.

المهندس منسي : إيه.. قولها كده.

العميل : تبستر البرطمان بغطاية كده  .

المهندس منسي : تبستر البرطمان.

العميل : أيوه أيوه.

المهندس منسي : موجودة.

العميل : بكام؟

المهندس منسي : دي المكنة دي عامله 430 اسمها مكنة تغليف شرينك المهندس منسي.

العميل : آه… 430 .

المهندس منسي : آه 430 ، يعني قول 3800، 3700 كده يعني بالمصري.

العميل : يعني دي هطلع البرطمان متبستر بس

المهندس منسي : بتبستر آه.

العميل : بس.. آه.. ماشي حضرتك، وفي حاجة تانية غيرها دي؟

المهندس منسي : إيه.

العميل : في حاجة تانية أنواع تانية غير دي؟

المهندس منسي : إنت عايز أنواع تانية..هوه إنت مش عايز تغلف العبوة وخلاص، ولا عايز حاجة تانية؟

العميل : ماشي… يعني هي تبقى ليها أحجام هي ولا بتغلف البرطمانات كل أحجام البرطمانات ولا إيه؟

المهندس منسي : آه كل أحجام البرطمانات آه.

العميل : آه.. ماشي طب إنت مكانك فين في القاهرة؟

المهندس منسي : إحنا عندنا باب الشعرية، حدائق القبة، مدينة نصر.

العميل : إيه؟

المهندس منسي : عندنا باب الشعرية، حدائق القبة، مدينة نصر.

العميل : ماشي خلاص، أنا والله اخدت رقم التليفون من على النت.

المهندس منسي : آه جدع.

العميل : ماشي ياريت لو إن اتصلت قبل كدا

المهندس منسي : ها….

العميل : يعني أنا كنت…. ياريت اتصلت عايز يعني ماكينة  شغال في عسل النحل.

المهندس منسي : آه… الله ينور يا باشا.

العميل : فأنا عايز دي….

المهندس منسي : ابقى هاتلنا شوية عسل معاك.

العميل : ماشي يا حبيبي ماشي، اللي إنت عايزه يا باشا.فعايز ماكينة تبستر البرطمان ده.

المهندس منسي : ماشي يا غالي.

العميل : طب في أنواع تاني أرخص ولا أغلى، أنواع تاني كده.

المهندس منسي : هو أنت كده شايف إن دي غالية، دي أرخص مكنة في العالم مش في مصر.

العميل : آه…

المهندس منسي : أرخص مكنة في العالم كله مش هتلاقي أرخص من كده يعني.

العميل : ماشي.. ماشي.. سلام.

المهندس منسي : سلام