عينات عبوات منظفات من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : الباش مهندس مني
المهندس منسي : أيوه
العميل : مع حضرتك سامح مدير شركة المبيعات
المهندس منسي : أهلاً بيك
العميل : أهلاً بحضرتك كنت بسأل ممكن حضرتك نتعامل مع حضرتك توردلنا عبوات منظفات؟
المهندس منسي : مافيش مشكلة
العميل : طيب ممكن أبعت لحضرتك العبوة تتعامل فيها وتشوفها عند حضرتك، أو ممكن حضرتك تبعتلي العبوات المتاحة عندك وأعرضها عندي على الإدارة…
المهندس منسي : هوه حضرتك لو بعتلي العبوات اللي عايز زيها وأنا أبدأ أصنعها لك، لأن إحنا بنعتمد على خصوصية العميل في المنتج بتاعه، لأنه اللي بيحصل في مصر دوت شيء من… مش فاهمه مالوش نظام، أنا راجل درست في ألمانيا
العميل : تمام
المهندس منسي : فاللي أعرفه إن مافيش حاجة اسمها عبوة ده ياخدها وده ياخدها وده ياخدها وده يعبي نفس التعبية بتاعت ده… طب ده ينفع يا جماعة؟ ينفع إن عبوة دوا يتباع فيها صبغة أحذية مثلاً؟؟!!!
العميل : لا طبعاً
المهندس منسي : ما هو مش تقليل من شأن صبغة الأحذية ولكن كل حاجة ليها نظامها
العميل : مضبوط صح
المهندس منسي : يعني النهاردة إنت لما تلاقي عبوة الدوا اللي إنت اشترتها ديت العامل النفسي بتاعك وإنت بتبص تلاقيها في صبغة أحذية ما هو إنت مش هتشربها تاني
العميل : ما هو للأسف مافيش رقابة على أي منتجات، أو مافيش رقابة على أي سوق
المهندس منسي : فإحنا سياستنا إن إحنا بنعمل على خصوصية العميل، يعني أي عميل بيجي بنعمله الاسطمبة بتاعته هوه بشكله هوه بديزاينه هوه، وما بنروحش نديه لأي حد تاني إلا هوه
العميل : تمام.. تمام.. تمام.. تمام.. طب ممكن أبعت لحضرتك الشكل اللي إحنا بنتعامل فيه…
المهندس منسي : ولا أي حاجة، وبعدين كمان بنديلك خصوصية إن إحنا بنحفرلك اسمك على العبوة
العميل : مضبوط تمام
المهندس منسي : عشان خاطر يبقى في خصوصية، يقوم يدي ثقة وتراست للعميل نفسه في التعامل
العميل : والله حاجة كويسة جداً، تمام
المهندس منسي : يقوم يقولك لأ ده أنا بشتري من شركة مضمونة وشركة صح مش شركة تحت بير السلم
العميل : صح.. تمام… طب هوه ممكن أسأل حضرتك دلوقتي هي الاسطمبة ممكن تتكلف كام؟
المهندس منسي : في حدود
العميل : ممتاز.. تمام.. تمام… طب أنا هبعت لحضرتك حالاً دلوقتي العبوات بتاعتي بتاعت الشركة عندي، هبعتها لحضرتك ويا ريت الرد بتاع حضرتك مثلاً عشان نبدأ إن شاء الله…
المهندس منسي : على طول إن شاء الله الجماعة في المبيعات على طول بيردوا عليك، ما تقلقش
العميل : إن شاء الله تمام، ماشي يا باشا
المهندس منسي : تحت أمرك
العميل : شكراً.. شكراً
المهندس منسي : مع السلامة
العميل : مع السلامة
