ماكينة اندكشن لبرشمة طبه الجراكن من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المنسي يا باشا
المهندس منسي : أيوه
العميل : حضرتك أنا شفت منتج كده على النت اللي بيبرشم الجراكن…
المهندس منسي : بتاع إيه؟
العميل : بيبرشم الأزايز والجراكن
المهندس منسي : الإندكشن؟
العميل : اه طب كنت عايز أسأل عليه
المهندس منسي : عندنا آه موجودة
العميل : عامل كام يا باشا؟
المهندس منسي : المكنة اللي بتلحم الإندكشن بتعمل يعني 3600 جنيه مصري
العميل : تمام… المقاس بيشتغل كذا مقاس ولا كل مقاس ليه وحدة؟
المهندس منسي : لا يشتغل كذا مقاس
العميل : أصل أنا يا باشا عندي ////// بعملها //////
المهندس منسي : نعم؟؟؟
العميل : النار اللي بيلحموا بيها الكهربائي بتاع الريداتير اللحام، اللحام القصدير
المهندس منسي : آه…
العميل : بعايز أحط الجركن الـ 4 لتر بحطه في إزازة لتر
المهندس منسي : آه بتحط بتملى العبوة بتملى جركن مثلاً بتعبيه يعني وبعد ما تعبيه تقوم تحط حتة الألومنيا معاها البيبر الورق وبعدين تقفل الغطا ومن فوق تضرب ضربة تبص تلاقيها اتلحمت من جوة
العميل : طب معلش سؤال بس ما تعرفش الألومنيا دي بتباع فين؟
المهندس منسي : عندنا
العميل : موجودة الألومنيا عندك بالـ…
المهندس منسي : بالورق بتاعها آه
العميل : طيب لو عايز آجي لحضرتك أجيلك فين؟
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : معلش بس أجيب قلم وأكتب
المهندس منسي : باب الشعرية، وحدائق القبة، ومدينة نصر، و 6 أكتوبر
العميل : أنا من حلوان أقرب حاجة ليا باب الشعرية ولا حدائق القبة
المهندس منسي : مش عارف شوف الفرع…
العميل : طب حضرتك اديني العنوان بالضبط اللي في حدائق القبة
المهندس منسي : هبعتهولك في رسالة حالاً
العميل : طيب معلش أكلمك من الرقم اللي هتبعتلي عليه الرسالة
المهندس منسي : ما أبعتهولك على ده وإنت ابقى انقله
العميل : ما هو التليفون ده يا باشا مش شغال خالص
المهندس منسي : آه…
العميل : معلش هقفل معاك وهكلمك من رقم 010
المهندس منسي : ماشي يا باشا
العميل : شكراً ..إيه يا باشا
المهندس منسي : إيه يا غالي
العميل : معلش ده الرقم اللي هتبعتلي عليه الرسالة، معلش هتبعتلي العنوان بتاع حدائق القبة وباب الشعرية، تمام
المهندس منسي : حاضر
العميل : شفت أنا مكنة تانية شغالة بالليزر
المهندس منسي : آه ما هي دي بسموها بالليزر
العميل : آه دي عامله كام يا باشا؟
المهندس منسي : هي مكنة اللي بتلحم بالإندكشن سيل هي نفسها اللي بيسموها اللحام بالليزر، هي نفسها مكنة اللحام بالحس المغناطيسي
العميل : لأ أنا شفت واحدة كبيرة كده، حاجة كبيرة عليها سير كده تقريباً
المهندس منسي : آه.. هوه حضرتك بقى شرفنا بالزيارة اتفرج على المكن واختار المكنة اللي تعجبك
العميل : تمام… إنما اللي هي شفناها اليدوي دي هي دي اللي عامله
المهندس منسي : إن شاء الله هي مش يدوي، هي نص أتوماتيك
العميل : الدفع بالمصري ولا بال؟
المهندس منسي : عادي بالمصري ماشي، بال ماشي براحتك
العميل : طيب ماشي يا باشا، خلاص يا باشا ابعتلي الرسالة دلوقتي وأنا بكرة إن شاء الله هتلاقيني عند حضرتك
المهندس منسي : ماشي يا باشا، مع السلامة
العميل : ماشي السلام عليكم
