ماكينة اندكشن للصق الاغطيه من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: اتكلمت مع حضرتك النهاردة بخصوص الماكينة لما إنت قلتلي 150 و لو تحاول تفتكرني كلمت العصرية

المهندس منسي: آه… 150 إيه؟

العميل: اللي بتعمل العلب دي ، 200 ،

المهندس منسي: طب فكرني بعد إذنك

العميل: اللي هي بتعمل غطيان بتاع العلبة، اللي بتلصق غطا العلبة

المهندس منسي: آه… بتلصق الغطا الإندكشن

العميل: آه بالضبط، دي حضرتك لو عايزين نشحن واحدة على أبها المملكة العربية السعودية كام التكلفة حضرتك؟

المهندس منسي: حضرتك عملية تكلفة الشحن أنا ما أعرفهاش، إنت حضرتك تتصل بشركة شحن وتسأل فيها، لو كل واحد سألني وأنا سألت شركات الشحن ده يعني شركات الشحن هتعلم عليا، فحضرتك تتصل بشركة الشحن اعرف منها الشحن أد إيه وإحنا تحت الأمر

العميل: أنا مش من القاهرة أنا من كفر الشيخ

المهندس منسي: ولا حاجة أنا من العين دي قبل العين دي، يعني أروح أجري على شركات الشحن وأسألهم، لأنه النهاردة ….

العميل: هوه حضرتك معلش لو حولنالك الفلوس وسألت شركة الشحن فيها مشكلة؟

المهندس منسي: لا ولا حاجة، حضرتك أول ما تبعت الفلوس هنسألك شركة الشحن ونقولك شركة الشحن أهي ورقمها أهو وطالبين كذا

العميل: طيب خلاص، الثقة موجودة مافيش مشكلة خالص الموضوع بسيط جداً

المهندس منسي: إن شاء الله

العميل: طيب هل في عندكم حساب نحول الحساب عليه مثلاً

المهندس منسي: أنا هبعتلك دلوقتي تليفون المبيعات بقى حضرتك هتابع معاهم

العميل: ياريت أكون شاكر لحضرتك

المهندس منسي: مع السلامة

العميل: أشكرك يا فندم، مع السلامة