ماكينة تشكيل اغطية علب الكشري من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : معاك سالم عزب يا باش مهندس من المنصورة

المهندس منسي : أهلاً بيك

العميل : الله يبارك في سعادتك أهلاً وسهلاً حضرتك يا باش مهندس بالنسبة لغطا حلة الكشري…

المهندس منسي : الـ إيه… الغطا؟

العميل : غطا حلة الكشري

المهندس منسي : غطا الحلة بتاعت الكشري اللي هوه الطبق بتاع الكشري

العميل : آه الطبق بتاع الكشري

المهندس منسي : آه… عندنا وعندنا اللامينيشن بتاعه كمان لو احتجت

العميل : تمام… طيب أنا يجيب لحضرتك من المنصورة الكيس بتاع الألبان اللي هو مكنة الزبادي اللي كان جيه خادها من كام سنة من حضرتك

المهندس منسي : إنت اللي كنت جايبه؟

العميل : آه.. كنت بعته لحضرتك اديته رقم التليفون وكان جيه خد من عندك مكنة التعبئة

المهندس منسي : آه.. يا ده من زمان قوي

العميل : آه… من حوالي أكتر من 5 سنين

المهندس منسي : آه…

العميل : كلمت حضرتك أنا من فترة….

المهندس منسي : ده إحنا بقينا صحاب وبقينا حبايب وباخد منه الأضحية

العميل : الحاج إبراهيم محترم وميبخلش على حضرتك يعني

المهندس منسي : والله يرحمه أخوه

العميل : الله يبارلك آه الحاج محمود الله يرحمه

المهندس منسي : آه…

العميل : الله يبارلك الله يخليك، كنت عايز أتعامل مع حضرتك في الحاجات بتاعت… أنا شغال في توزيع العبوات والحاجات دي

المهندس منسي : ده إنت تيجي تنورني

العميل : الله يخليك يا باش مهندس…

المهندس منسي : ولو عايز كمان أعملك المصنع اللي بيعمل الغطا أعملهولك من الآيه تو زد

العميل : الله يبارلك يا باش مهندس، خلاص بقى طب آجي لحضرتك بإذن الله في باب الشعرية

المهندس منسي : آه تعالى ندردش مع بعض أزبطلك الدنيا وقولك، ولا حضرتك عندك أوردي المصنع؟

العميل : لا أنا معنديش مكن إطلاقاً

المهندس منسي : لا ده ممكن أعملك المصنع وأعملك كل حاجة

العميل : الله يبارك لحضرتك

المهندس منسي : إنت من المنصورة نفسها؟

العميل : آه من المنصورة نفسها، أنا جار الحاج إبراهيم

المهندس منسي : جاره على طول

العميل : أنا جنب منه في نفس الشارع

المهندس منسي : آه.. سلملي عليه كتير

العميل : الله يعزك الله يكرمك الله يبارك في حضرتك خلاص أبقى آجي لحضرتك يوم كده القاهرة بإذن الله

المهندس منسي : ده أنا كان عندي حاجة، ستوك كنت جايبه من ألمانيا كان حوالي 45 طن

العميل : اللي هوه إيه حضرتك؟

المهندس منسي : غطيان العلب بقى بجميع أنواعها

العميل : آه… هوه حضرتك اشتغلت الكبايات برده اللي هي الجيلاتي والشوك والحاجات دي؟

المهندس منسي : لأ الشوك والحاجات دي أنا بقدم المصنع اللي بصنع الشوكة والملعقة

العميل : آه.. آه

المهندس منسي : أما لو عندك أوردر كبير بنتعاقد مع بعض وأعملها لك، أصلها مش كيميا

العميل : المكنة بتاعت الملاعق والشوك ديت تكلفتها كام؟

المهندس منسي : بص يا سيدي، هوه إنت ممكن تبدأ بمكنة تكلفك 50 ألف، وممكن تبدأ بمكنة بـ 75 ألف، وممكن تبدأ بمكنة بـ 100 ألف، مش كل المكن، إنما كل ما عليت بالمكنة كل ما الإنتاجية بتاعتك عليت، ولكن ما تعلاش زيادة عن اللزوم، لأن برده ممكن لو عليت زيادة عن اللزوم يطلع هدر كتير

العميل : صحيح

المهندس منسي : يعني ليها حد معين تقف عنده

العميل : طب المعدل.. اللي هي المعدل المتوسط يعني…

المهندس منسي : يعني ابدأ مثلاً بـ 75 طن، ودي دايماً أنا بجيبها، وفي واحد عندكم في المنصورة…

العميل : في المنصورة

المهندس منسي : لأ 75 طن، يعني هي بتدفع الدفعة 75 طن، اسمعها مايكنة حقن بلاستيك، العامة بيقولوا حُقن بلاستيك، لأ حَقن بلاستيك يعني إيه يعني آدي البلاستيك سخن ودخل في الاسترودر فالاسترودر بيحقنه، يعني بيضغطه، يعني بيحقنه في قلب الإيه… فقوة الضغط في الاسطمبة…

العميل : آه.. قوة الضغط 75 طن

المهندس منسي : قوة الضغط 75 طن، أنا بجيبها إيطالي وبزود أنا حاجة من عندي حاجة اسمها بروبروفشنل

العميل : آه…

المهندس منسي : وبشيل الكونتكت والحاجات الكلاسيك بتاعتها وبحط دي إل تي عربي

العميل : تمام…

المهندس منسي : عشان لقيت إن الناس ما بيعرفوش إنجليزي كويس فعملهم دي إل تي عربي

العميل : ده أحسن حاجة فيه

المهندس منسي : لأن العمالة عارف طبعاً مشاكلها كتير

العميل : آه..

المهندس منسي : وشغاله وزي الفل

العميل : طب بالنسبة مثلاً للشالموه يا باش مهندس؟

المهندس منسي : آه دي مكنة تانية

العميل : دي برده متوفرة عند حضرتك؟

المهندس منسي : لا دي بعملها بالطلب

العميل : بالطلب

المهندس منسي : آه

العميل : بس تكلفتها تقريباً تبقى…

المهندس منسي : في حدود 150، في حاجة منها بلدي تعملها في حدود 85

العميل : طب دي 150 ديت اللي هي بسوستة؟

المهندس منسي : آه اللي بسوستة دي ممكن تعملها على سعر ال الدمار اليوم دولت، على سعر ال النهاردة تعملها مثلاً 220

العميل : اللي هي بسوسته

المهندس منسي : إنت ممكن تبدأ ستيب باي ستيب

العميل : طب حضرتك بصنع إيه كده يا باش مهندس؟ حد بيديك…

المهندس منسي : كل ما هو في عالم الصناعة الحمد لله قادر عليه، طالما في عالم الصناعة الحمد لله قادر عليه

العميل : فعلاً الموجودة عندك؟

المهندس منسي : آه اللي أوردي موجود عندي حقن البلاستيك مكن التعبئة والتغليف كله بجميع أنواعه…

العميل : حضرتك البلاستيك اللي هوه عبارة عن معالق وشوك برده ولا…

المهندس منسي : آه

العميل : معالق وشوك موجودة عند حضرتك؟

المهندس منسي : آه موجودين آه بضاعة حاضرة آه

العميل : طيب ده جميل قوي، معالق وشوك الكبيرة اللي فيها الشفة…

المهندس منسي : دي حضرتك بقى لما تيجي تجيبلي معلقتين تلاتة معاك نوزنها ونشوف الدنيا فيها إيه

العميل : طيب خلاص جميل قوي

المهندس منسي : اسم الكريم إيه

العميل : سامي العزب

المهندس منسي : أهلاً بيك يا عم سامي

العميل : أهلاً بيك يا فندم ما تنساش تسلملي على عم محمود

المهندس منسي : حاضر يوصل بإذن الله

العميل : على إبراهيم

المهندس منسي : يوصل بإذن الله

العميل : والله الأكياس والشنط والعبوات الاسترتش والحاجات دي

المهندس منسي : آه.. آه

العميل : حضرتك عندك استرتش برده ولا؟

المهندس منسي : بجيبه استوكات، ما بقاش ما يبقاش عندي تصنيع أفيربل، يعني بجيب استوكات ألماني وإيطاليا ودنماركي وكده يعني

العميل : لأ ده إحنا لازم نيجي نقعد مع حضرتك بإذن الله

المهندس منسي : تيجي تنورني إن شاء الله

العميل : تأمرني بأي خدمة هنا في المنصورة

المهندس منسي : ما تحرمش منه يا غالي

العميل : أمرني والله لو في أي مصلحة هنا في المنصورة أقضيهالك

المهندس منسي : حبيبي يا غالي

العميل : خلاص بإذن الرحمن إن شاء الله هكون في زيارة عند حضرتك قريب قوي

المهندس منسي : ماشي حبيبي

العميل : شكراً جداً، في رعاية الله يا حبيبي