ماكينة تشكيل الاطباق من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : المهندس منسي
المهندس منسي : أيوه
العميل : معلش كان عندي استفسار حضرتك عندك ماكينات اللي إنت عامل بيها المنتجات اللي ملصوقة على صفحتك دي؟
المهندس منسي : إيه؟؟
العميل : يعني حضرتك بتستورد الماكينات اللي حضرتك شغال بيها؟ ولا حضرتك بتصنع بس؟
المهندس منسي : لأ بستورد أجزاء… خير أأمرني عايزه مكن إيه؟
العميل : أنا كنت عايزه المكنة بتعمل نفس الأشكال اللي حططها حضرتك على الفيس
المهندس منسي : أشكال إيه؟
العميل : الأشكال بتاعت الأطباق اللي معروضة
المهندس منسي : آه.. ده المكن موجود عندنا بضاعة حاضرة، إنتي تيجي تشتريه
العميل : يعني قصدي حضرتك بتستورد الماكينات دي؟
المهندس منسي : إحنا ماركة، براند
العميل : براند… طب حضرتك ممكن تديني العنوان…
المهندس منسي : زي مثلاً توشيبا، ونوفي، ….
العميل : ربنا يوسع على حضرتك، طب حضرتك ممكن تديني العنوان بتاع حضرتك مصنع حضرتك فين؟
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : حضرتك تبقى متواجد في أنهي فرع فيهم؟
المهندس منسي : لأ أنا مش متواجد أنا بالنسبة لي ما تعتمديش عليا إنت تعتمدي على المبيعات، أنا استشاري بس
العميل : طيب أوكيه مش مشكلة حضرتك ممكن تديني عنوان باب الشعرية؟
المهندس منسي : هبعتهولك في رسالة حالاً
العميل : أوكيه أكون شاكرة لحضرتك
